Það svínvirkar greinilega að auglýsa eftir hlutum hér á síðunni. Upp úr kvöldmat sótti ég í Kópavoginn klósett með stút í vegg eins og um var beðið fyrir Friðarhúsið.
Næsta skref er að lýsa eftir hvers kyns borðbúnaði: glösum, bollum, hnífapörum o.þ.h.
Svo vantar jú alltaf fleiri hlutahafa – og ef einhver lumaði á eldhúsinnréttingu eða nennti í málningarvinnu á morgun…
# # # # # # # # # # # # #
Slapp óskaddaður í gegnum boltann. Freyr Rögnvaldsson, VG-maður, lék sem varamaður í forföllum Hallgríms Indriðasonar. Hann fékk óvenju mildar viðtökur – flestir nýliðar það sem af er ári hafa lemstrast illilega í sínum fyrsta tíma.
# # # # # # # # # # # # #
írland og Sviss mætast í stórleik miðvikudagskvöldsins á Sýn, fjandakornið – ekki nenni ég að horfa á það. Ætli tiltekt í bóka/gestaherberginu sé ekki brýnni.