Held ég fari rétt með það að Norður-írinn Mal Donaghy sé eini leikmaðurinn í sögu Luton Town til að taka þátt í úrslitakeppni HM. Það var árin 1982 og 1986.
Nú eru líkur á að annar leikmaður bætist í þann hóp. Carlos Edwards er í liði Trinidad & Tobago sem leikur við Bahrain um laust sæti á HM í Þýskalandi næsta sumar. Ef Trinidad-búar vinna, þá er ég kominn með uppáhaldslið fyrir keppnina.
Annars er það umhugsunarefni að ef Trinidad sigrar Bahrain og ístralir leggja Uruguay, þá væru Norður-Ameríka og Suður-Ameríka með jafnmarga fulltrúa á HM. Það er ekki í nokkru samræmi við styrkleika þessara álfusambanda.
Nær hefði verið að láta sigurvegara Eyjaálfukeppninnar mæta Norður-Ameríkubúum og Uruguay hefði þá keppt við fulltrúa Asíu.