Hvað með Kúbu?

Það þykir kannski ekki lengur fí­nt að blogga um HM í­ handbolta eftir tapið í­ gær, en ég fór að hugsa – hvað er orðið um Kúbu í­ handboltanum? Þeir voru langbesta Amerí­kuþjóðin og enn í­ dag eru öflugir leikmenn af kúbönsku bergi brotnir í­ sterkum Evrópuliðum.

Samkvæmt Wikipediu kepptu átta þjóðir í­ forkeppni HM fyrir Norður- og Suður-Amerí­ku. Kúba var ekki í­ þeim hópi.

Með fyllstu virðingu fyrir Grænlendingum, hlyti handboltaþjóðin Kúba að komast á HM ef hún hefði bara fyrir að senda lið til keppni. Kann einhver skýringu á þessari fjarveru?

# # # # # # # # # # # # #

Fundurinn í­ MH gekk vel. íhugasamur hópur og lí­flegar umræður í­ lokin. Það er alltaf gaman að fylgjast með menntskælingum ræða pólití­k, sem gerir það enn dapurlegra að málfundahefðin sé nánast horfin í­ framhaldsskólunum. Á stað þess að halda málfundi þar sem nemendur karpa um hitt og þetta, eru bara fengnir utanaðkomandi ræðumenn eða skipulagðar ræðukeppnir sem lúta allt öðrum lögmálum.

# # # # # # # # # # # # #

Það verður lí­tið unnið í­ dag. Barnið er veikt heima og krefst athygli og umönnunar. Safnið verður því­ óvarið á meðan.

# # # # # # # # # # # # #

Les á netinu að í­slenskur læknir þykist hafa fundið lækningu við fuglaflensu og kvefi. Nær væri að finna bóluefni gegn Moggablogginu.

Join the Conversation

No comments

  1. Ég gæti vel trúað því­ að yfirvöld í­ Kúbu hafi fengið nóg af því­ að handboltamennirnir þeirra neituðu að snúa aftur í­ lok stórmóta og því­ bara hætt að senda lið í­ keppnir.

    Spiluðu Garcia og Duranona ekki báðir með landsliði Kúbu áður en þeir hófu að spila með því­ í­slenska?

  2. Nei sko! Þessi byrjaður aftur.

    Þessi náungi var með annað nafnlaust blogg fyrir nokkrum misserum. Það var skrifað af álí­ka reiði. Sumt af þessu er nú lipurlega stí­lað, þótt ekki sé höfundurinn sá prúðasti.

    Ef ég vil lesa blogg eftir reiða unga menn vel ég samt frekar hnakkus.blogspot.com

Leave a comment

Netfang þitt verður ekki birt. Nauðsynlegir reitir eru merktir *