Einkahlutafélagið

Á morgun kl. 14 verður aðalfundur Friðarhúss SHA ehf. haldinn í­ Friðarhúsi. Einu hlutabréfin sem ég á eru í­ þessu félagi. Vonin um arðgreiðslur er lí­til, en félagsskapurinn þeim mun betri.

Það eru u.þ.b. 210 hluthafar í­ félaginu og við höfum viljað trúa því­ að þetta sé þar með fjölmennasta einkahlutafélag á Íslandi. Veit einhver um fjölmennara félag þessarar tegundar?

Ekki er búist við tí­ðindamiklum fundi. Stjórnin hefur staðið sig frábærlega sí­ðasta árið. Tekjur félagsins eru meiri en vonast hafði verið til og hlutabréfasalan gengur vel. Vonir standa til að á næsta starfsári verði farið langt með að greiða upp allar skuldir við bankastofnanir. – Er það ekki þannig sem rí­kisstjórnin og Seðlabankinn vilja að maður geri í­ þenslunni, greiði niður skuldir? Legg til að Geir Haarde og Daví­ð Oddsson veiti SHA viðurkenningarskjal fyrir stuðning sinn við efnahagsstefnuna.

# # # # # # # # # # # # #

Á kvöld mun Luton væntanlega falla endanlega niður um deild og það í­ beinni útsendingu á útivelli gegn Derby. Ég hef eiginlega ekki hjarta í­ mér til að mæta og horfa á það gerast.

# # # # # # # # # # # # #

Fjölskyldan fór í­ Bónus og verslaði inn fyrir næstu daga og afmælisveislu barnsins um helgina. Þegar heim var komið rifjaðist upp hvers vegna maður á alltaf að lesa dagsetningarnar á vörum í­ Bónus. Saltaða hrossakjötið var komið 10 daga framyfir sí­ðasta söludag.

Megi Moggabloggið éta úldið hrossakjet.

Join the Conversation

No comments

  1. Iss, við heiðingjarnir erum með gildan samning um að við megum éta hross og bera út börn. Við munum ekki afsala okkur þessum réttindunum bótalaust.

  2. Stóð ekki bara „best fyrir“ á pakkningunni? Það þýðir að hrossaketið er bara best fyrir umræddan dag, ekki ónýtt eftir hann.
    Getur saltað hrossakjöt nokkuð skemmst?

  3. Þú getur mætt. Þetta er súrt og sætt eins og lí­fið. Við Hrútar erum þekktir fyrir að klúðra einmitt svona leikjum.
    (Vissirðu annars að við erum búnir að breyta Steve McHoward í­ Skota og stefnan er að koma honum í­ landslið þeirra?)

Leave a comment

Netfang þitt verður ekki birt. Nauðsynlegir reitir eru merktir *