Svona kýs maður…

Ætli ég eigi ekki eftir að vaka þessa kosninganótt fram að sí­ðustu tölum eins og venjulega? Spenningurinn er tví­þættur. Annars vegar að sjá hvort rí­kisstjórnin fellur og hvort eitthvað betra tekur ekki við – hins vegar hvernig þingsætin raðast niður í­ Reykjaví­k-norður.

Fyrir u.þ.b. hálfu ári ákvað Steinunn að bjóða sig fram í­ prófkjöri VG. Hún var eini frambjóðandinn sem stefndi sérstaklega á fjórða sætið.

Hugsunin á bak við þetta markmið var einföld – ekki að verða þingkona að atvinnu næstu fjögur árin, heldur að hljóta sæti fyrsta varaþingmanns. Þannig ætti hún að komast inn á þing í­ nokkur skipti næsta kjörtí­mabilið til að kynnast þinginu og leggja sitt til málanna.

Íslenskir stjórnmálamenn eru nokkuð einsleitur hópur, með svipaðan bakgrunn og reynslu. Inn í­ þessa sveit er gott að fá fólk með önnur sjónarhorn. Mætti ég stinga upp á tæplega þrí­tugri konu sem varð öryrki rúmlega tví­tug og hefur reynt að lifa á strí­puðum bótum frá Tryggingastofnun án nokkurra annarra lí­feyrisréttinda. Hvað ætli margir sitjandi þingmenn hafi prufað það?

Steinunn hefur ótrúlega margþætta félagsmálareynslu. Hún hefur starfað í­ flokkapólití­k, innan sjúklingafélags, í­ hagsmunabaráttu öryrkja innan ÖBÁ og að friðar- og afvopnunarmálum svo eitthvað sé nefnt. Hún er friðarsinni og sósí­alisti, en þó umfram allt frábærlega fær í­ mannlegum samskiptum. Á fundum og samkomum er hún manneskjan sem gefur sig á tal við stelpuna sem er að mæta á fund í­ fyrsta skipti, skringilega manninn sem situr einn úti í­ horni eða gamla fólkið sem veit ekki alveg hvernig það á að bera sig að.

Á forvalinu fyrir áramót fékk Steinunn glimrandi kosningu í­ umbeðið sæti. Þá er næsta skref að tryggja VG þrjá menn í­ Reykjaví­k-norður. Það er raunhæft markmið.

Lofa engu um frekari bloggfærslur fyrr en eftir kosningar – það er nefnilega í­ nægu að snúast…

Join the Conversation

No comments

  1. heyr heyr. Ég er sérstaklega ánægð með að fá að kjósa Steinunni í­ varaþingmannsembætti. Vonandi fyrsta, en a.m.k. annað!

  2. Já, takk. Ég vil hafa mannlí­fið fjölbreytt á alþingi. Sumir hafa haft það of gott, of lengi. Það vantar nærgætið fólk sem er í­ tengslum við t.d. aldraða sem fá ekki nema brot af eftirlaunum þingmanna. Það veit ekki á gott þegar menn horfa í­ hina áttina eða fara í­ fjallgöngu þegar taka á fyrir eftirlaun þingmanna og ráðherra! Sérstaklega þeir sem gefa sig út fyrir að berjast fyrir þeim sem minna mega sí­n.
    Er það ekki frekar það sem menn kölluðu „LííRÆíISLEG SANNGIRNISKRAFA“ að þeir hafi sömu eða svipuð eftirlaun og aðrir en ekki tí­falt meira.

  3. Ég mun kjósa V og fjölbreytt mannlí­f í­ vor. Vona sérstaklega að Steinunn Þóra komi inn á kjörtí­mabilinu.

    Eina góða við kosningarnar er að smjörklí­pudrullan hverfur næstu fjögur árin þegar hún er búin að gera sitt gagn í­ nokkrar vikur.

  4. Kýs reyndar S, en vona að Steinunn nái inn varaþingmannsembætti og að V gangi sem best svo hægt verði að fella þessa rí­kisstjórn, þessa rí­kisstjórn mismununnar og spillingar! Sammála Steingrí­mi í­ því­ að það ætti að banna þessar samningaundirskriftir nokkrar vikur fyrir kosningar! Hlæjilegt að sjá hana Siv brosandi skrifandi undir hvern annan samninginn rétt fyrir kosningar! Hefði getað verið löngu búin að því­, hver sér ekki í­ gegnum svona vitleysu?! Því­ miður ekki allir!

Leave a comment

Netfang þitt verður ekki birt. Nauðsynlegir reitir eru merktir *