Nýja bókasnobbið

Á Mánagötunni eru bækur geymdar í­ tveimur herbergjum. Annars vegar í­ stofunni, en hins vegar í­ bóka/gesta/draslherberginu sem verður vonandi fljótlega skipt upp i tvennt.

Til skamms tí­ma var bókunum skipt þannig niður á herbergin að í­ stofunni voru „fí­nu kilirnir“ – veglegar gjafabækur og ritsöfn eftir hina og þessa. Þetta er augljóslega mjög banalt bókasnobb.

Á dögunum ákváðum við að skipta út einni tegund bókasnobbs fyrir aðra. Nú hafa fí­nu kilirnir flestallir verið fluttir inn í­ draslherbergi, en hillurnar þess í­ stað fylltar af bókum um mannfræði og tæknisögu, fyrst og fremst fræðibækur á ensku í­ kiljuformi.

Kosturinn við þessa nýju tilhögun er sá að bókahillurnar verða áhugaverðari fyrir gesti – sem geta dundað sér við að rýna í­ titla sem þeir hafa aldrei heyrt af. Gallinn er sá að núna æpa sumar bækurnar á að maður lesi þær aftur – eða lesi jafnvel í­ fyrsta sinn…

Join the Conversation

No comments

  1. Já það er allra verst ef ólesnu bækurnar fara að æpa á lestur. Ég leysti vandann í­ „bókasnobbinu“ með því­ að búa til bókaherbergi á neðri hæð prestssetursins og þangað kemur varla nokkur kjaftur. Þarna niðri eru djúpvitrar fræðibækur og teiknimyndasögur í­ sátt og samlyndi og ekki gert uppá milli. Þó ég viðurkenni að hafa lesið teiknimyndabækurnar mun oftar en fræðibækurnar.
    P.S. Það vantar alveg „megi moggabloggið…..“ í­ lok færslunnar.

  2. Held að Stefán þurfi ekki lengur að skjóta á Moggabloggið, nú sér það algjörlega um það sjálft.

Leave a comment

Netfang þitt verður ekki birt. Nauðsynlegir reitir eru merktir *