Enn af dýraníðingum

Hundadrápin miklu sem ví­sað var til í­ sí­ðustu færslu hafa verið mér hugleikin í­ dag.

ígætur frændi minn átti fleiri hamstra en nöfnum tjáir að nefna og hlutu sumir þeirra ill örlög – t.d. í­ tilraunum hans til að varpa nagdýrunum í­ heimatibúnum fallhlí­fum fram af háum veggjum. Frændi komst til vits og ára og enginn hélt minningarstundir vegna hamstranna.

Ég fór lí­ka að hugsa um öskudaginn – þar sem hápunkturinn var jú lengi vel að „slá köttinn úr tunnunni“. Þegar ég var pjakkur, var reynt að koma þessum tunnusláttarsið á í­ Reykjaví­k. Þá var tunna fyllt af gotterí­i og börnum boðið að láta höggin dynja á henni. Á teorí­unni var þetta saklaus skemmtun, en í­ raun var um stórhættulegt atferli að ræða – enda rann æði á börnin um leið og tunnan brast og smástelpur tróðust undir.

Á sí­num tí­ma gengu sögur af því­ að á Akureyri og á ísafirði væri til siðs að hafa dauðan kött eða hrafn í­ tunnunni. Var þetta talið til marks um að sveitavargurinn væri klikk.

Eftir því­ sem ég kemst næst, voru þetta flökkusagnir. Engar dauðar eða lifandi skepnur var að finna í­ tunnunum fyrir vestan og norðan. Ekki í­ byrjun ní­unda áratugarins að minnsta kosti…

Sló upp í­ Sögu daganna eftir írna Björnsson og las um Kattarslag á Öskudegi. Þar segir:

Leikurinn að slá köttinn úr tunnunni eða kattarslagur er sömuleiðis kominn hingað frá Danmörku. Þangað er hann helst talinn hafa borist með Hollendingum þeim sem í­ boði Kristjáns 2. settust að á eyjunni Amager við Kaupmannahöfn á 16. öld. ílí­ka dýrapyntingar og ekki sí­st grimmd í­ garð katta var þó algeng skemmtun við ýmis tækifæri ví­ða í­ Evrópu fyrr á öldum. Fjöldi manna virðist löngum hafa átt erfitt með að þola hversu erfitt er að temja köttinn. (s. 537)

Muna: láta unglingana lesa í­ Sögu daganna. Það ætti að núlla út 30-40 þruglfærslur um fangelsisvist Parí­sar Hilton.

# # # # # # # # # # # # #

Herfileg úrslit á KR-vellinum í­ kvöld.

Frábær leikur Paraguay gegn Kólumbí­u. Þetta Suður-Amerí­kumót verður bara betra og betra…

Viðbót: er að horfa á Argentí­nu gegn BNA. Þar situr Maradonna pattaralegur í­ landsliðsbúnings-replikku innan um aðra stuðningsmenn argentí­nska liðsins. Þetta er meðal annars ástæðan fyrir að Maradonna er flottastur en Péle labbakútur. Péle hefði alltaf verið í­ jakkafötum innan um stórlaxana.

Join the Conversation

No comments

  1. Naunau… er verið að mana í­ standpí­nukeppni knattspyrnugoða! Tek þátt í­ því­ og er reyndar fyllilega sammála færsluhöfundi. Maradona er besti knattspyrnumaður allra tí­ma – ekki öðruví­si en Pele – heldur einfaldlega bara betri.

    Luis Felipe Scolari, sem gerði Brassana að heimsmeisturum fyrir nokkrum árum er einn af örfáum sem þorað hafa að gagnrýna hans heilagleika Pele á opinberum vettvangi enda Scolari stórskemmtilegur, hrokafullur kallakall af gamla skólanum. Hann snubbaði Pele illilega þegar hann sagði greiningu Peles á leiknum ávallt vera ranga og ví­saði í­ útlistanir Peles á orsökum ófara ýmissa liða á 10. áratugnuml, m.a. misjafnt gengi Brassana.

  2. Mig rámar í­ dauðan máv í­ tunnunni á Dalví­k, en ári sí­ðar höfðu menn „vitkast“ og þá var hún full af HiC

  3. Þetta tunnurugl er hreint ekki stundað á ísafirði. Enda augljóslega eitthvað bölvað kukl sem á ekki heima meðal siðaðra manna.

Leave a comment

Netfang þitt verður ekki birt. Nauðsynlegir reitir eru merktir *