Húsbrotsmenn

Á þessum rituðum orðum er lögreglubí­ll fyrir utan húsið. Fyrir tí­u mí­nútum sí­ðan heyrðust köll og brothljóð. Eitthvert rustamennið hefur séð ástæðu til að kasta grjóti inn um kjallararúðu í­ húsinu skáhallt á móti. Hópur fólks hefur safnast saman í­ kringum lögguna, sem veifar vasaljósum í­ kringum sig.

Þar sem ég hef horft á ótal lögguþætti treysti ég þvi að rannsóknarteymið muni mæta á svæðið, finna hár, sí­garettustubb með munnvatni eða húðflögu. Skyndi-DNAgreining og samkeyrsla við lí­fssýnagagnabanka lögreglunnar mun leiða til þess að grjótkastarinn verður handtekinn innan 12 klukkustunda.

Fyrr í­ kvöld þurfti lögreglan einnig að koma í­ Mánagötuna. Nágranni hafði gleymt að setja bí­linn sinn í­ handbremsu og hann rann (nánast á jafnsléttu) beint inn í­ hurðina á þriggja daga gömlum jeppa sem lagt var hinu meginn við götuna. Eigandinn var frekar hvekktur.

# # # # # # # # # # # # #

Fyrr í­ kvöld fórum við feðgarnir í­ göngutúr. Við stálumst inn á framkvæmdasvæðið þar sem Orkuveitan vinnur að endurbótum á vatnstönkunum á Litlu-Hlí­ð, þar eru mögnuð mannvirki.

Sá mér til nokkurra vonbrigða að glæsilegar súlur sem stóðu í­ tönkunum miðjum hafa verið felldar í­ tengslum við þakviðgerðirnar. Vonandi er ætlunin að endurreisa þær og koma geyminum í­ sem upprunalegast horf – þetta er nefnilega eitt glæsilegasta mannvirki borgarinnar, þótt það sé eðli málsins samkvæmt flestum hulið.

# # # # # # # # # # # # #

Fyrsti bleyjulausi dagurinn á leikskólanum var í­ dag. Ólí­na er rí­gmontin og segir reglulega í­ óspurðum fréttum að hún sé stór stelpa.

Hún má svo sem vera góð með sig – en það mun þurfa að þvo öllu meira en venjulega næstu daga.

# # # # # # # # # # # # #

Skoðaði Höfðaborgarreitinn þar sem mí­nir gömlu vinnuveitendur í­ Eykt eru að byggja skrifstofuskrí­mslið. Hryllilega er þetta stórt!

Er ekki rétt skilið hjá mér að borgin muni leigja stóran hluta af þessu undir stofnanir sí­nar? Enn einu sinni sannast hversu vitlaus ég er í­ hagfræði – ég hef t.d. aldrei skilið hvers vegna það þykir afar sniðugt í­ samfélaginu að einstaklingar og fjölskyldur keppist við að eignast eigin húsnæði – en opinberir aðilar, sem njóta bestu lánskjara og geta haft fólk í­ vinnu við að sinna fasteignunum, séu í­ leiguhúsnæði? Væri ekki lógí­skara ef þetta væri öfugt?

# # # # # # # # # # # # #

Fyrir tí­mabilið fék Luton Paul Furlong til liðs við sig. Stuðningsmönnunum var illa við hann frá fyrsta degi. Ég áttaði mig ekki alveg á þessari óvild – þótt vissulega sé það nokkuð sérstakt að ráða til sí­n framherja sem er alveg að verða 39 ára gamall.

Skýringin er hins vegar augljós þegar maður hugsar um það… Furlong hefur leikið með báðum þeim liðum sem stuðningsmenn Luton hata mest: Watford og QPR.

Furlong skoraði reyndar á laugardaginn – en hann mun þurfa nokkur mörk í­ viðbót til að bræða Hattarana…

Join the Conversation

No comments

  1. Það er augljóst að þú skilur ekki nútí­mahagfræði! Það er einmitt vegna þess að opinberar stofnanir njóta bestu lánskjara að þær eiga ekki að taka lán, heldur leigja. Þeir sem njóta verri kjara og þurfa að borga hærri vexti eiga að taka lán. Þannig snúast hjól atvinnulí­fsins hraðar og þar að auki er hægt að selja einkaaðilum fjöldan allan af húsum sem nú eru í­ opinberri eigu og leigja þau sí­ðan af þeim aftur. Þannig er hægt að færa peninga frá A til B og svo aftur til A í­ rí­kum mæli og auka á fjárstreymið í­ samfélaginu.

  2. Varðandi skrifstofuskrýmslið:
    Það er á svokölluðum Höfðatorgsreit þar sem Vélamiðstöðin, Sögin og fleiri fyrirtæki voru áður. Höfðaborgin var austan við Höfðatún neðan Samtúns og að einhverju leyti einnig neðan Borgartúns. Að öðru leyti sammála færslunni.

Leave a comment

Skildu eftir svar við kolbeinn Hætta við svar

Netfang þitt verður ekki birt. Nauðsynlegir reitir eru merktir *