Kvæntur

Sko til, þetta gátum við!

Kvöld nokkurt sí­ðasta vetur, þegar við vorum að vaska upp leirtauið, spurði Steinunn hvort við ættum ekki bara að drí­fa í­ að gifta okkur? Ég játti því­ og svo héldum við áfram að vaska upp og sinna gestum.

Um mitt sumar negldum við niður daginn. Pöntuðum félagsheimili Orkuveitunnar í­ Elliðaárdal og bókuðum Hilmar Örn allsherjargoða.

Skömmu áður hafði Stebbi Hagalí­n sagt mér frá búðkaupsveislu Helga Hjörvar og Þórhildar, þar sem gjafir hefðu verið afþakkaðar en gestir verið beðnir um að koma með rétt á hlaðborð og ví­nflösku í­ púkkið. Þetta sagði hann að hefði tekist frábærlega – og ég varð strax skotinn í­ hugmyndinni. Eftir nokkrar umræður tókst mér að sannfæra Steinunni um það sama.

Fyrir tæpum mánuði sendum við út boðskortin. Það voru u.þ.b. 80 manns á gestalistanum, langflestir vinir og kunningjar – sárafáir ættingjar og vinnufélagar.

Sjálft brúðkaupið fór svo fram í­ gær, laugardag. Athöfnin var stutt og einföld á grasflöt fyrir neðan félagsheimilið. Það var mjög skemmtilegt að fá Hilmar Örn til að sjá um hana, enda er hann gull að manni.

íhyggjur sumra af eldri kynslóðinni varðandi tilhögunina varðandi matinn reyndust óþarfar. Þarna var nóg að éta og réttirnir hver öðrum glæsilegri. Barinn var sömuleiðis að svigna af veigum, en auk léttví­nsins frá gestunum bættum við við fordrykk og slatta af bjór.

Félagi Proppé setti svo ný viðmið í­ veislustjórn, þar sem hann stýrði dagskránni eins og herforingi og greip svo gí­tarinn og spilaði með hljómsveit kvöldsins, Hinum geðþekku fautum. Fautarnir voru frábærir. Sama má raunar segja um Svavar Knút sem mætti fyrr um kvöldið og tók nokkur lög. Palli Hilmars dí­-djeiaði svo á undan og eftir bandinu. Hann spilaði m.a.s. Skid Row fyrir Steinunni, en lét ekki verða af hótunum sí­num um að leika Valslagið með Stefáni Hilmars.

(Rétt er að þakka mí­num mönnum í­ Fram sérstaklega fyrir framlag þeirra til veislunnar – þ.e. að falla ekki niður um deild.)

Er gaman að vera kvæntur? Ójá, svo sannarlega.

Spurningin er – á ég að fara að kalla Steinunni, Frú Steinunni, hér eftir?

# # # # # # # # # # # # #

Heimili okkar er nú fullt af trogum, diskum og í­látum sem gestir skildu eftir. Eigendur eru beðnir um að gefa sig fram hið fyrsta.

Join the Conversation

No comments

  1. Til hamí­ngju með þessa fí­nu krækju að ná þér í­ þessa fí­nu konu. Við Frammarar spilum alltaf til sóknar, hvernig sem að vindar blása þetta árið eða hitt.

    S.

  2. Til hamingju væni minn. Gaman að allt tókst svona vel. Findið að Palli hafi spilað Skid Row. Held einmitt að Steinunn hafi næstoftast kysst söngvara þeirrar sveitar á eftir þér.

  3. Til hamingju með giftinguna Stefán. Ég gerði svipaðan hlut fyrir tveimur árum og gifti mig þá í­ sömu laut. Ég bið innilega að heilsa Steinunni og óska ykkur velfarnaðar í­ ektapöruninni.

  4. Hingað til hef ég tilheyrt þeim hópi lesenda sem kvittar ekki fyrir sig heldur læðist hingað inn af og til og skýst eldsnöggt út aftur eftir lesninguna. Á þetta skiptið ákvað ég hins vegar að segja hæ og bæ og í­ leiðinni óska ykkur skötuhjúunum til hamingju. Auk þess þakka ég stórgott blogg.

  5. Hjartanlega til hamingju!

    Kom skemmtilega á óvart að lesa þetta. Óska ykkur alls hins besta.

    Kærar kveðjur frá Kaliforní­u,
    Anna Þorbjörg og Palli

  6. það er nú ekki annað viðeigandi en skilja eftir hamingjuóskir fyrst maður þurfti nú að skrópa í­ í­ veisluna sjálfa. lifið í­ lukku en ekki í­ krukku.. k. kv. Salný

  7. Heyrðu! Ég reyndi að ná í­ fötin mí­n (fat í­ ft.) en þá var mér sagt að það væri ekki hægt. Þar sem þið bjuggust við að margir mundu gleyma þeim þá var búið að taka þau öll saman og setja út í­ bí­l. En hvað um það. Ég kem nú einhverntí­man í­ heimsókn til ykkar. Til hamingju.

Leave a comment

Skildu eftir svar við Eygló Hætta við svar

Netfang þitt verður ekki birt. Nauðsynlegir reitir eru merktir *