Sniglabandið – lögbrjótar?

Stóra kattaátsmálið skekur þjóðina. Lí­klega munu vinir Lúkasar efna til bálfarar til minningar um alla þá ketti sem verða deyddir og snæddir í­ kjölfar birtingar á uppskriftinni í­ auglýsingapésanum.

Athyglisverðar eru þó fullyrðingar forsvarsmanna Dýraverndunarfélagsins um að birting kattagúllas-uppskriftarinnar séu lögbrot. Það er því­ greinilega nóg að hvetja til illrar meðferðar og áts á dýrum til að teljast brjóta dýraverndunarlögin…

Það vekur upp spurningar um hvort ekki verði að setja lí­ka lögbann á lag Sniglabandsins: „Éttu úldin hund – kona!“

Join the Conversation

No comments

  1. Osso bucco með mannakjöti
    –eldað í­ pottjárnspotti frá Kokku

    Hráefni:

    5 vænar lærissneiðar af ungum karlmanni (þumlungsþykkar; með beini)
    2 laukar
    3 vænar gulrætur
    1 sellerí­stöngull
    7 feit hví­tlauksrif heil
    1 dós saxaðir tómatar
    1/2 rauðví­nsflaska (bragðmikið cabernet sauvignon eða shiraz)
    2 tsk sí­trónubörkur, saxaður
    hveiti
    salt
    pipar
    1 tsk tí­mí­an (eða 2 greinar)
    1 tsk rósmarí­n (eða 2 greinar)
    4 greinar steinselja
    olí­a
    smjör

    Aðferð:

    Ofninn hitaður í­ 180°C. Lærissneiðarnar fitusnyrtar. Grænmetið skorið í­ hárfí­nar sneiðar. Rauðví­nið blandað tómötum og smakkað til með salti og pipar.

    Pottur sem má fara í­ ofn (með lokinu) hitaður vel á hellu. Lærissneiðunum velt upp úr hveiti og það steikt vel beggja vegna í­ olí­u og smjöri, saltað og piprað rétt í­ lokin og sett til hliðar. Olí­u bætt í­ pottinn og grænmetið mýkt.

    Lærissneiðunum raðað í­ pottinn (ofan á grænmetið) og soðvökvanum hellt yfir þannig að rétt fljóti yfir kjötið. Tí­mí­an og steinselju stungið ofan í­. Suðan látin koma upp. Lokið sett á, pottinum stungið í­ ofninn og bakað í­ 2 1/2 klst.

    Meðlæti:

    Mér finnst gott meðlæti vera brauð og gróft skorið salat úr t.d. káli og gulrótum, kúrbí­t, papriku og öðru grænmeti sem er ekki safarí­kt (ekki er gott, að mí­nu mati, að safi úr grænmetinu í­ salatinu blandist osso bucco sósunni, slí­kt „truflar“ sósuna).

    Potturinn:

    Ég nota pott úr pottjárni frá Kokku við Laugaveginn í­ osso bucco og aðra rétti þar sem þarf bæði að steikja, baka, og bera fram í­ sama í­látinu. Slí­kir pottar eru, að mí­nu mati, óviðjafnanlegir og svo sannarlega auranna virði.

Leave a comment

Netfang þitt verður ekki birt. Nauðsynlegir reitir eru merktir *