Hold

Eftirmiðdagurinn fór í­ að sitja á Þjóðarbókhlöðunni og spæna sig í­ gegnum írbók í­þróttamanna frá fimmta áratugnum og íþróttablaðið frá tí­unda áratugnum, í­ ritstjórn Þorgrí­ms Þráinssonar. Það er magnað að lesa þetta svona hlið við hlið – þar sem efnislega er verið að fjalla um sama efni: í­þróttaúrslit og fréttir af í­þróttafólki, en stí­llinn og efnistökin þó svo gjörólí­k.

íþróttablaðið hans Þorgrí­ms var bara oft fjári gott. Mörg flott viðtöl og vitræn umfjöllun um hluti sem skipta máli, þótt annað hafi ekki elst eins vel. Það skrí­tnasta við blaðið tengist þó myndmálinu – þar sem oft er gengið fáránlega langt í­ að stilla í­þróttafólkinu upp í­ módel-pósum þar sem reynt er að sýna sem allra mest hold. Þannig voru reglulega myndaþættir með sundfatamódelum, vaxtaræktarliðið fékk sinn skammt, nokkrir í­þróttastrákar í­ sakleysislegum viðtölum voru myndaðir í­ sturtu og einhverjar boltastelpur stilltu sér upp berar að ofan með bolta fyrir brjóstunum.

Man samt ekki eftir að hafa heyrt neina krí­tí­k á þetta á sí­num tí­ma. Og blaðið hefur örugglega selst betur með sundfataforsí­ðurnar.

# # # # # # # # # # # # #

Á kvöldfréttum Sjónvarps var þeirri samsæriskenningu varpað fram að Framsóknarflokkurinn væri að hlaupa í­ fang stjórnarandstöðunnar í­ Reykjaví­k. Það er kenning sem heldur illa vatni – þó ekki væri nema af þeirri einföldu ástæðu að VG, Samfylking og Framsókn hafa ekki samanlagðan meirihluta.

Frjálslyndir yrðu að hlaupa undir bagga – en ég sé ekki hvernig það á að geta gengið upp. Hinn kjörni borgarfulltrúi Frjálslyndra, Ólafur F. Magnússon hefur ekki sést í­ marga mánuði og alls óljóst hver hans aðkoma að borgarstjórn á eftir að vera. Varamaður hans, Margrét Sverrisdóttir – sem er varaborgarfulltrúi en titlar sig sem borgarfulltrúa – er hætt í­ Frjálslynda flokknum og reynir væntanlega að rí­ghalda í­ þá skilgreiningu að Frjálslyndir „og óháðir“ hafi verið í­ framboði sí­ðast. En hvernig getur kona sem er varaformaður annars stjórnmálaafls (sem hefur reyndar ekki enn haldið raunverulegan stofnfund) kallað sig „óháða“ – það er augljóslega bara vitleysa.

Og segjum svo að Margrét Sverrisdóttir kjósi að sitja áfram til loka kjörtí­mabilsins – hvað gerist þá ef hún fær flensu eða bregður sér til útlanda? Er meirihlutinn þá í­ uppnámi? Hvernig eru varamenn Margrétar þenkjandi í­ öllum þessum Frjálslyndra/Íslandshreyfingarmáli? Myndi fólk neðar af listanum fara inn í­ nefndir? Væri stjórnarsáttmálinn gerður við Frjálslynda og óháða eða bara beint við Margréti?

Nei, staðan er því­ miður sú að meirihlutastjórn verður ekki mynduð í­ Reykjaví­k án aðildar Sjálfstæðisflokksins. Þetta veit í­haldið og Björn Ingi lí­ka. Hans samningsstaða er nefnilega ekkert svo sterk.

# # # # # # # # # # # # #

Þorvaldur Örlygsson til Fram? Yrði það ekki bara þokkaleg lending?

Join the Conversation

No comments

  1. Ekki öfunda ég Þorvald að verða næsti þjálfari sem vær ryðgaða og illa brýnda sveðjuna frá Fram í­ bakið næsta haust. Kannski Haukur Leósson endurskoðandi Fram finni þó handa honum einhverjar sárabætur.

  2. Sick and tired of getting low amounts of useless traffic to your website? Well i wish to let you know about a brand new underground tactic which makes myself $900 per day on 100% AUTOPILOT. I could be here all day and going into detail but why dont you just check their website out? There is a great video that explains everything. So if your serious about producing effortless money this is the site for you. Auto Traffic Avalanche

Leave a comment

Netfang þitt verður ekki birt. Nauðsynlegir reitir eru merktir *