Útlendingarnir á dekkjaverkstæðinu

Á morgun fór ég með bí­linn hennar Steinunnar í­ umfelgun. Þær mæðgurnar fóru nefnilega í­ dag norður í­ sveitina til Ólí­nu eldri og Valda. Þar eru blindir kettlingar sem barnið ætlar að leika sér við – eða „kettlingar sem kunna ekki að opna augun“ eins og hún hefur ákveðið að kalla þá.

Ég ákvað að vera klókur og var mættur á dekkjaverkstæðið laust fyrir klukkan átta. Það hefði sví­nvirkað ef yfirmaðurinn – sem er greinilega einn með lyklavöld – hefði ekki sofið yfir sig. Fyrir vikið norpuðum við fyrir utan: ég, 3-4 aðrir viðskiptavinir og hellingur af starfsmönnum.

Þegar sá með lyklana mætti loksins tók við mikil umstöflun á dekkjum áður en hægt var að byrja að afgreiða bí­la. Á meðan reyndi maður eitthvað að spjalla við hina kúnnana.

„Það eru ótrúlega margir að vinna hérna – á ekki stærra verkstæði“, sagði ég til að brydda upp á umræðum. „Já, blessaður vertu. Þetta eru allt Pólverjar!“, svaraði maðurinn við hliðina á mér. „Allt saman Pólverjar. Skilja ekki neitt. Það hlýtur að vera mikil vinna að stýra þessu…“ – bætti hann við.

Ég varð frekar undrandi, þar sem mér hafði einmitt sýnst að þetta væru í­slenskir strákar og fór að leggja mig eftir því­ að hlusta á þá tala saman. Eftir smátí­ma var ég búinn að komast að þeirri niðurstöðu að þarna væru sjö í­slenskir strákar og kannski einn útlendingur – sem gæti raunar hafa verið þögull og óframfærinn Íslendingur.

Skömmu sí­ðar rakst ég aftur á bí­leigandann óþolinmóða. Hann tilkynnti mér glaðhlakkalegur að einum Pólverjanum hefði tekist að koma því­ út úr sér að eitt dekkið hans læki. Það var ekki laust við að hann væri stoltur af tungumálafærni sinni í­ samskiptum við útlendingana…

Svona getur þetta verið – ef menn búast við því­ að vera afgreiddir af Pólverjum, þá virðast afgreiðslumennirnir hreinlega geta breyst í­ Pólverja…

Join the Conversation

No comments

  1. Þetta hafa sennilega allt verið Pólverjar sem hafa lært svo góða í­slensku. Þetta er í­slenskukennslu fyrir útlendinga á vegum yfirvalda til sóma og sýnir að það var hárrétt ákvörðun hjá R-listanum að drepa námsflokkana enda sósí­alí­sk hugmyndafræði höfð þar í­ hávegum eins og jafnrétti til náms.

Leave a comment

Netfang þitt verður ekki birt. Nauðsynlegir reitir eru merktir *