Á föstudagskvöldið mæti ég á árshátíð þingmanna. Þar er víst regla um að bannað sé að taka til máls nema í bundnu máli.
Á ljós kom að það ákvæði er barn síns tíma.
Á Braga nafni – hvílíkur leir! Hvílíkt hnoð!
Við okkar borð sátu bara varþingmenn, nýliðar á þingi og makar – og stemningin varð sífellt vandræðalegri eftir því sem á ljóðaskránna leið. Legg til að næst verði haft samband við börnin sem yrkja framan á mjólkurfernurnar – held að það yrði menningarauki af því…
En maturinn var fínn og félagsskapurinn ágætur að mestu.
# # # # # # # # # # # # #
Hér verður ekki skrifað um handbolta í bráð. Og því síður um rauðklædda KFUM-liðið sem ekki verður nefnt á nafn.
# # # # # # # # # # # # #
Grísinn situr í öngum sínum í sófanum ásamt móður sinni. Við erum að reyna að herða hann með því að horfa á Dýrin í Hálsaskógi. Skelfingarsvipurinn leynir sér ekki.
# # # # # # # # # # # # #
For your Consideration er auglýst sem óborganleg gamanmynd. Það fór lítið fyrir því. – Ég vissi að við hefðum frekar átt að leigja Bruce Willis í gærkvöldi…