Jújú, það er gaman að EM í fótbolta sé byrjað – og vissulega bíð ég spenntur eftir að mínir menn leiki fyrsta leikinn – en það má þó ekki gleyma því að það eru fleiri áhugaverð mót í gangi. Þar er ég vitaskuld einkum að tala um forkeppni HM í Asíu.
Eins og margoft hefur komið fram er ég sérstakur áhugamaður um forkeppni HM – og þá sérstaklega í þeim álfum sem eru lægra skrifaðar. Asíukeppnin hefur aldrei verið jafnspennandi og milliriðlar hennar munu klárast í mánuðinum.
Rétt til upprifjunar: Núna stendur yfir keppni í fimm riðlum. Tvö lið munu fara áfram úr hverjum þeirra í lokakeppnina. Þar verða liðin tíu dregin í tvo fimm liða riðla, þar sem leikið verður heima og heiman. Tvö efstu lið úr hvorum riðli fara til Suður-Afríku 2010, en þriðju efstu liðin keppa sín á milli um að komast í úrslitaeinvígi við lið frá Eyjaálfu (Nýja-Sjáland) um sæti í lokakeppninni.
ístralir taka að þessu sinni þátt í Asíukeppninni, sem þýðir að í teoríunni gæti Eyjaálfa haft tvö lið í úrslitum (ístrali og Nýsjálendinga) en mögulega taka asísku liðin öll sætin fimm.
Nú þegar hefur margt athyglisvert gerst í keppninni:
1.riðill – Hér er mikil spenna og liðin furðujöfn að styrkleika. Kína hefur valdið verulegum vonbrigðum og situr á botninum með 3 stig eftir 4 leiki. Afar ólíklegt verður að teljast að Kínverjar nái að vinna báða lokaleikina sína og raunar óvíst hvort það dygði til.
ístralía og Katar eru á toppnum með 7 stig hvort lið, en írakar hafa 4 stig. íraska liðið byrjaði illa en heldur þó enn í vonina eftir góðan sigur á íströlum á „heimavelli“ (þeir leika heimaleikina í Dubai) nú um helgina. Það er farið að hitna verulega undir ástralska liðinu og svo gæti farið að sú leikflétta að keppa sem Asíulið komi rækilega í bakið á þeim núna… Ég ætla þó að spá Katar efsta sætinu í riðlinum og íströlum áfram með þeim.
2. riðill -Â Þetta var riðillinn sem Japanir áttu að vinna vandræðalaust og Tælendingar að lenda í botnsætinu. Seinni hluti þess spádóms gekk efti, Tæland er á botninum með eitt stig. Þetta eina stig kom um helgina með óvæntu jafntefli á erfiðum útivelli í Bahrain. Persaflóasmáríkið nánast gulltryggði sér þar með sæti í lokaumferðunum og þarf bara eitt stig úr lokaleikjunum sínum. Það gæti sett strik í reikninginn í baráttu Japans og Oman.
Japanir hafa sjö stig, eftir að hafa náð að jafna í síðari hálfleik á útivelli gegn Oman um helgina. Oman er með 4 stig. Nú hef ég ekki nennt að slá því upp hvort markatala eða innbyrðisviðureignir ráða úrslitum í riðlakeppninni – en mér sýnist Japanir vera nokkuð öruggir áfram sem annað lið í riðlinum.
3 riðill -Â Norður- og Suður-Kórea tróna á toppnum með átta stig hvort. Túrkmenar hafa eitt stig en Jórdanir fjögur. Þetta þýðir að Norður-Kóreumenn geta í raun klárað riðilinn með sigri eða jafntefli gegn Jórdönum á heimavelli næsta laugardag. Takist jórdanska liðinu öllum að óvörum að sækja sigur til Pyongyang, þá gæti leikur kóresku ríkjanna í Seoul í lokaumferðinni orðið áhugaverður. Reikna þó staðfastlega með að norðanmenn muni fylgja fjandvinum sínum úr suðrinu í næstu umferð.
4. riðill -Â Fyrsta liðið til að bóka seðilinn í úrslitakeppnina var Úzbekistan. Á mörg ár hafa menn beðið eftir því að Úzbekar myndu springa út og verða stórveldi í Asíuboltanum. Það gæti loksins verið að rætast. Sádi Arabar eru nær öruggir um annað sætið í riðlinum (sem er sannast sagna sá langslappasti). Líbanon er stigalaust á botninum (skyldi Davíð Logi hafa staðið við stóru orðin og mætt á leik?) Singapúr á fræðilegan möguleika á að slá út Sáda, en raunhæft er það varla.
5. riðill -Â „Dauðariðillinn“ er ennþá galopinn. Fyrirfram hefði mátt búast við írönum í toppsætið, Sýrlendingum á botninn og svo baráttu Kuwait og Sameinuðu arabísku furstadæmanna um annað sætið. Sem stenudr hafa íranir sex stig, Sýrlendingar og Arabafurstar fimm stig og Kuwait fjögur.
Segja má að þessi riðill hafi opnast upp á gátt strax í fyrsta leik þegar Sýrlendingar náðu mjög óvæntu jafntefli í Teheran. Næst er komið að írönum að hefna harma sinna í Damaskus. Ég reikna með að þeim takist það og yrði ekki hissa þótt Kuwait fylgdi þeim áfram.
Búist við næstu færslu um þetta eftir næstu helgi…