Norður & Mið-Ameríkuboltinn

Útlendingastofnun stendur í­ ströngu. Kollegarnir í­ Bandarí­kjunum munu væntanlega hafa í­ nógu að snúast innan tí­ðar. Bandarí­kin og Kúba drógust saman í­ riðil í­ forkeppni HM. Þegar kúbanska u-23 ára liðið lék í­ BNA fyrr á þessu ári sneri hálft liðið ekki aftur.

Norður- & Miðamerí­kukeppnin fyrir HM 2010 er í­ fullum gangi. Tólf lið eru eftir – þar af bara tvö sem aldrei hafa keppt í­ úrslitum HM. Þau hafa nú verið dregin í­ þrjá fjóra liða riðla. Tvö efstu liðin í­ hverjum þeirra fara svo í­ sex liða úrslitariðil. Þaðan komast þrjú lið beint til Suður-Afrí­ku, en fjórða liðið etur kappi við fimmta liðið frá Suður-Amerí­ku um lokasætið. Þetta mun í­ praxí­s þýða að Bandarí­kin og Mexí­kó komast áfram ásamt þriðja liði. Fimmta Suður-Amerí­kuliðið mun alltaf hirða sí­ðasta sætið.

Bandarí­kin og Kúba leika í­ A-riðlinum ásamt Guatemala og Trinidad & Tobago. Þar má reikna með auðveldum bandarí­skum sigri – þótt raunar hafi lið BNA oft farið flatt á að vanmeta nágranna sí­na. Hin liðin eru meira spurningamerki. T&T komst öllum að óvörum í­ úrslitakeppnina í­ Japan og Suður-Kóreu fyrir fjórum árum, sí­ðan hefur leiðin hins vegar legið beint niður á við. Guatemala og Kúba eru fremur á uppleið, einkum sí­ðarnefnda liðið.

Spádómur: Bandarí­kin og Kúba áfram (nema hálft liðið stingi af í­ útileiknum gegn BNA, þá Guatemala.)

Á B-riðli eru: Mexí­kó, Kanada, Jamaí­ka og Hondúras – en öll fjögur hafa komist í­ úrslitakeppni HM. Mexí­kó verður ekki í­ minnstu vandræðum með að vinna riðilinn. Jamaí­ka komast á HM í­ Frakklandi 1998, en liðið er í­ mikill lægð ef tekið er mið af úrslitum sí­ðustu missera. Verða varla til stórræðanna. Fótbolti er örí­þrótt í­ Kanada og það er raunar með ólí­kindum hversu metnaðarlaust knattspyrnusambandið þar er ef tekið er mið af landsleikjaskránni. Hondúras er hins vegar á uppleið um þessar mundir.

Spádómur: Mexí­kó og Hondúras áfram.

C-riðillinn er skemmtilegastur: Kosta Rí­ka, El Salvador, Súrí­nam og Haí­ti. Kosta Rí­ka-menn hafa vitaskuld mestu hefðina og þótt liðið sé engan veginn eins sterkt og 1990 eða 2002 verður það að teljast sigurstranglegast í­ riðlinum. Haití­-menn eru handhafar Karabí­ska-bikarsins frá því­ í­ fyrra, en máttu hafa sig alla við að vinna Hollensku-Antilleseyjar í­ forkeppninni. Yrði frekar undrandi ef þeir skriðu áfram.

El Salvador hefur haft tuttugu landsliðsþjálfara á tuttugu árum. Það hlýtur að vera einhvers konar met! Liðið er nær einvörðungu skipað leikmönnum sem spila í­ heimalandinu. Með öðrum orðum: þeir eiga ekki séns.

Þá er aðeins eftir eina Suður-Amerí­kuliðið sem eftir er í­ keppninni, Súrí­nam. Eins og flestir vita, eru margir af helstu knattspyrnumönnum Hollands ættaðir frá Súrí­nam og það liggur beint við að ætla að Súrí­nam gæti teflt fram 3-4 landsliðum, skipuðum leikmönnum sem spila í­ Hollandi sem hvert um sig ætti að geta gert góða hluti í­ forkeppni HM… EN… Súrinamar eru stoltir og hafa því­ sett þá reglu að einungis leikmenn sem spila í­ heimalandinu komi til greina í­ landsliðið.

Spádómur: Kosta Rí­ka og Súrí­nam áfram, þrátt fyrir hina heimatilbúnu fötlun þeirra sí­ðarnefndu. Ég ætla að halda með Súrí­nam í­ þessari keppni…