Helv… 21.öldin

21. öldin rí­ður yfir mig af fullum þunga.Um daginn dó sjónvarpið okkar (engin ending – þetta var ekki nema tí­u ára gamall gripur). Þá fórum við í­ sjónvarpstækjaverslun og uppgötvuðum okkur til mikillar skelfingar að það er ekki hægt að fá neitt annað en flatskjái í­ dag. Fyrir vikið eigum við núna flatskjá – og mér lí­ður eins og ég hafi svikið einhvern mikilvægan málstað.Og það sem verra er – ég kann ekkert á græjuna og legg ekki í­ að lesa þverhandarþykka bókina sem fylgdi með.Um svipað leyti dó vinnugemsinn minn eða hóf a.m.k. dauðastrí­ðið. Það er ekki í­ Â fyrsta sinn sem það gerist, enda hef ég haft þá vinnureglu hjá OR að biðja alltaf tæknideildina um elsta sí­mann sem til er – helst einhvern sem annar notandi í­ fyrirtækinu hefur skilað inn. Það sparar e-ð smotterí­ fyrir Orkuveituna, en hvati minn er annar. Með því­ að vera með gamla skransí­ma, þarf ég ekki að læra á ótal nýja fí­dusa og fer ekki á taugum þótt ég missi sí­mann í­ gólfið.En nú er ég sem sagt kominn með sí­ma með fullt af flóknum valkostum, myndavél og hvaðeina. Helví­tis 21.öldin virðist ætla að ná mér eftir allt saman…# # # # # # # # # # # # #Fyrsta liðið í­ Bretlandi er farið á taugum Bournemouth rak stjórann eftir fjórar umferðir og tvö stig. Þeir byrjuðu með 17 í­ mí­nus – svo við erum núna ekki nema átta stigum á eftir þeim.Það er allt í­ steik hjá Bournemouth-liðinu núna og nýji eigandinn er annað hvort einfeldningur eða þykist bara vera það. Yrði ekki hissa þótt liðið færi í­ þrot á tí­mabilinu.

Join the Conversation

No comments

  1. Ég hef alltaf keypt mér sí­mann sem var tæknilega fullkomastur í­ hitteðfyrra. Núna um daginn fékk ég mér Nokia E70. Hann er eins og lí­til fullkomin tölva með fullu QWERTY lyklaborði sem maður getur gengið með í­ vasanum.

  2. Hahahaha, Stebbi Pé á flatskjá, snilld!

    Næst fer Steingrí­mur Joð að sprengja jarðgöng (nei djók – hann gerði það)

  3. Þú ert allavega tæknivæddari en ég. Ég fékk að ví­su ekki svarthví­tt sjónvarpstæki þegar ég endurnýjaði sí­ðast, en ég geri mitt besta til að láta það endast þar til þitt nýja flata sjónvarp gefur upp öndina sökum elli :Þ

Leave a comment

Skildu eftir svar við Svenni Hætta við svar

Netfang þitt verður ekki birt. Nauðsynlegir reitir eru merktir *