Kristinn H.

Alltaf finnst mér jafnskrí­tið þegar sama fólk og talar fyrir auknum persónukosningum og hversu slæmt sé að binda sig á klafa stjórnmálaflokka – hneykslast sí­ðan á Kristni H. Gunnarssyni og hristir hausinn yfir því­ hvað hann rekist illa í­ flokki.

Kristinn H. Gunnarsson er ekki við allra skap, en þó óumdeilanlega einn af aðsópsmestu stjórnmálamönnum þjóðarinnar. Hann er sá Alþingismaður sem er næst því­ að vera „persónukjörinn“. Það er helst að Ólafur F. Magnússon komist næst honum í­ að sækja stuðning sinn milliliðalaust til kjósenda. Ætli það megi ekki segja að þeir félagar hafi báðir verið kjörnir út á eigin vinsældir ÞRíTT FYRIR flokkstengslin en ekki vegna þeirra.

Það er því­ lí­klega óhætt að ganga út frá því­ sem ví­su að með kosningareglum sem gæfu kost á auknu persónukjöri myndi fjölga verulega pólití­kusum á borð við Kristinn H. Gunnarsson og Ólaf F. Magnússon á þingi og í­ sveitarstjórnum.

Sem er lí­klega bara hið besta mál?

Join the Conversation

No comments

  1. Ekki spurning, ég myndi setja Kristinn á blað þótt ekki væri nema fyrir skemmtanagildið.

    Alveg er ég viss um að það er ekki sama fólkið sem talar fyrir persónukosningum og talar niðrandi um KHG. Þetta eru tveir ólí­kir en álí­ka skemmtilegir hópar.

  2. Jú veistu – þetta er furðu oft sami hópurinn.

    Nákvæmlega eins og það er oft sama fólkið sem skammast yfir þingmönnum sem tali í­ fleiri klukkustundir á hverju þingi og séu endalaust blaðrandi – en tuðar jafnframt yfir að þingmenn séu aldrei í­ vinnunni, þingið alltaf í­ frí­i og þingsalurinn mannlaus.

  3. …og furðu oft sama fólkið sem andskotast af prinsippástæðum út í­ tilvist Rí­kisútvarpsins, en mærir í­ næstu setningu Planet Earth, Top Gear, BBC World Service, etc.

  4. Fyrir góð refhvörf á við þessi, þá mæli ég með að menn fylgist með skrifum og lí­fi Hannesar Hólmsteins. Hann er enn á því­ að markaðurinn geti rekið fyrirtæki betur en rí­kið, og að rí­kið sé slæmt í­ flesta staði.

    Samt hefur maðurinn aldrei starfað utan hins opinbera að neinu marki.

  5. Er sammála upprunalegu hneykslan Stefáns um Kristinn og co. en að skammast út í­ fólk sem vill að allir þingmenn séu mættir við umræður en vilja lí­ka minna blaður um ekkert get ég ekki alveg skilið. Algjörlega óskyldir hlutir.
    Ég vil að allir mæti og taki þátt, en ekki að 10% tali fyrir tómum sal 90% af tí­manum.

    Það sama á við um að vera á móti rí­kisreknu sjónvarpi en vera hinsvegar hrifnir af þáttum eins og Top Gear – hefði slí­kur þáttur s.s aldrei getað orðið til hjá einkasjónvarpi?

  6. Kristinn er greindur og með góðar skoðanir á mörgum málum. Það er hins vegar ekki viðlit að starfa með honum í­ liði. En er ekki dálí­tið bratt að fullyrða að hann hafi komist inn á þing á eigin persónufylgi og „þrátt fyrir“ stimpil Frjálslynda flokksins.
    Ég ætla ekki að fullyrða neitt, en mí­n tilfinning var sú að hann hefði fremur látið flokksformanninn draga sig inn og á endanum þurfti að auki töluverða heppni með niðurröðun jöfnunarþingmanna.

Leave a comment

Netfang þitt verður ekki birt. Nauðsynlegir reitir eru merktir *