Stjórnmálagetraun

Tryggvi Þór Herbertsson er þingmaður Sjálfstæðisflokksins og hefur talað fyrir niðurfærslu skulda. Rök hans eru meðal annars þau að erlendir lánardrottnar hljóti að skilja að útilokað sé að ætlast til að Íslendingar standi undir skuldaklifjunum og sjá að skynsamlegra sé að afskrifa vænan hluta skuldanna frekar en að láta allt fara í kaldakol.

Þetta er ágætt sjónarmið.

Fyrir fjórum árum síðan, í júní 2005, lýstu voldugustu iðnríki heims því yfir að til stæði að fella niður stóran hluta af skuldum nokkurra fátækustu þjóða heims. Ákvörðuninni var fagnað af alþjóðlegum hjálparsamtökum og fjölda þjóðarleiðtoga. Tryggvi Þór Herbertsson, forstöðumaður hagfræðistofnunnar Háskólans, var líka beðinn um álit. Og nú er spurt – hvert var svar Tryggva?

i) Að þetta væri besta hugmynd sem fram hefði komið, frá því byrjað var að selja brauð í sneiðum

eða

ii) Að vissulega gætu skammtímaáhrif þessarar ráðstöfunar verið talsverð, en málið væri þó alls ekki einfalt og jafnvel betur heima setið en af stað farið. Til dæmis gætu langtímaáhrifin orðið þau að þessi ríki fengju ekki lán seinna meir

Og giskiði nú!

Join the Conversation

8 Comments

  1. Andrés, hvernig geturðu sagt að maðurinn hafi alltaf rangt fyrir sér, hann er með a.m.k. tvær andstæðar skoðanir í hverju máli eða þá skoðun sem hentar þeim sem hann er að vinna fyrir þá stundina. Hann bara hlýtur að ramba á rétta skoðun af og til.

  2. Við skulum vona að hann taki þessa færslu ekki sem einn eitt dæmið um allt það ljóta sem þrífst á netinu.

  3. Jesus Christ there is a lot of spammy feedback on this webpage. Have you ever before thought about attempting to get rid of them or installing a wordpress plugin?

Leave a comment

Netfang þitt verður ekki birt. Nauðsynlegir reitir eru merktir *