Ég er kominn heim. Ég á nokkrar bækur hérna sem ég á eftir að skrá og hugsanlega dugar það til að klára. Annars tek ég síðustu í fyrramálið. Ég sá annars hóp af nemendum í safnakynningu á Hlöðunni og ég held að það hafi verið fyrsta ár bókasafns- og upplýsingafræðinnar. Bara kvenfólk. Ég áttaði mig þá líka á því að þetta er fjórða árið mitt í Háskólanum en þetta hefur þotið hjá.
Day: 1. september, 2006
Hjálpsami maðurinn…
Rakst á Véstein áðan í stiganum. Við förum að spjalla og hann spyr mig hvenær Alþingi sé sett. Ég var ekki alveg viss en akkúrat þá gengur maður framhjá sem myndi vita svarið. Ég spyr því „hvenær er Alþingi sett Hannes?“ og Hannes svaraði mér að það væri yfirleitt sett 1. október. Hjálpsamur maður.
Síðasti 9-17
Það er síðasti níu til fimm dagurinn á Bókhlöðunni, á morgun er það bara 10-14. Síðan verður of mikið að gera í skólanum til að hanga hér. En ég ætti vonandi að klára færslurnar í dag ef allt gengur eftir og kennarinn samþykkir plönin.