Ég get haldið áfram pælingunni um móðurborðið. Árið 1997 keypti ég mér tölvu. Hún var af gerðinni Yakumo. Hægt og rólega uppfærði ég hitt og þetta í tölvunni. Nýtt geisladrif, meira minni, nýr kassi, nýtt móðurborð, nýjir harðir diskar og svo framvegis. Ég er barasta ekki alveg viss um á hvaða tímapunkti síðasta stykkið úr gömlu tölvunni hvarf á braut. Hugsanlega var það skjárinn sem ég endurnýjaði árið 2002 en kannski entust einhver stykki lengur. Í raun er hún ennþá í notkun en þó aðallega sem heimsins stærsti iPod. Ef maður fær sér nýtt sjónvarp eða nýjan dvd-spilara þá er það alveg ljóst en ég hef ekki átt nýja borðtölvu frá árinu 1997.