Ég hef ekki ennþá náð að endurnýja allt mp3-safnið af harðadisknum mínum, einhver staðar eru geisladiskar með þessum lögum sem vantar. U2, Duran Duran og Ný Dönsk eru með hinum föllnu og því þarf ég að endurrippa þá alla um leið og ég er búinn að taka Queensafnið fyrir (svona 3/5 af því komið). Tapaði að vísu Ekki er á allt kosið með Ný Dönsk sem er diskur sem ég á ekki sjálfur því hann hefur verið ófáanlegur í lengri tíma, það er sorglegt því þetta er einn uppáhaldsdiskurinn minn.
Þyrfti líka að taka þetta fyrir og skrá alla diskana okkar niður svo við getum séð hvort einhverja vantar inn á harða diskinn og líka til að sjá hvort einhver sé horfinn. Kannski að það fari inn í bókaskráningarforritið sem Eygló er að bögga Svenna um að hanna.