19 ágúst 2003 Archives

Spangir

Særún minnist á spangir og í tilefni þess ætla ég að reyna [hér kom langt bil meðan ég hlustaði á Queen og skrifaði aðra færslu] að skrifa um það þegar ég var með spangir. Ég fékk spangir í maí 1992 ef ég man rétt og losnaði við þær í janúar 1993, átti að vera með þær í tvö ár en losnaði við þær mun fyrr einsog Hafdís systir mín.

Áður en ég fékk spangir voru tennurnar mínar skrautlegar. Framtennurnar að ofan voru glenntar í sundur, ég gat látið aðra augntönnina koma útfyrir einsog ég væri vampíra (ég sakna þess), neðrihlutinn var ekkert skárri. Langar eiginlega að fara til Teits og fá mótin sem hann gerði af tönnunum mínum áður en ég fór í tannréttingu.

Reyndar man ég mun minna eftir þessu tímabili en ég hélt, flóknar tannhreinsunaraðgerðir voru standardinn.

Ég fékk síðan góm eftir að ég losnaði að við spangirnar og er núna með fallegustu tennur í heimi.

Sem minnir mig á pirrandi þýðingar. Íslenskir þýðendur eru mjög góðir í því að þýða sífellt „retainer“ sem spangir („braces“) þegar þar er verið að tala um góm, pirrandi.

Queen er snilld!

Queen er snilld! Bara að minna ykkur og sjálfan mig á það. Var að skrifa færslu og að hlusta á Queen, Love of my Life kom og ég missti mig einfaldlega. Hef í vikunni verið að syngja Queendúetta með Svía sem vinnur með mér, alveg frábært, hann syngur mun betur en ég. Datt annars í hug að einhver kór ætti að taka að sér að reyna að flytja The Prophet’s Song, það væri ögrandi verkefni.

Sóley og Óli

Reynið síðan að halda því fram að við Sóley séum ekki lík.

Hafdís, Mummi og Sóley komu í heimsókn tvisvar um helgina og ég tók myndir.

Hafdís, Mummi og Sóley í heimsókn 15. ágúst 2003

Til er fólk sem rýkur í tölvur þegar það fer í heimsóknir langt frá heimili sínu, við Mummi erum til dæmis þannig.
Er þetta ekki óþarflega nálægt?
Þetta var erfiður dagur, dregin um alla Reykjavík.
Hafdís dáist að barnamyndum af mér en stingur barninu sínu út í horn.
Sjáið hve glöð hún er að sjá uppáhaldsfrænda sinn.
Sóley vill aftur til Óla frænda.
Sóley hress með flotta hárgreiðslu að vanda.
Síðan heldur fólk því fram að við séum ekki lík!
Mummi sýnir að honum er ekki treystandi fyrir hnífum á meðan Sóley mótmælir því að hún sé að fara frá Óla frænda.
Ofurfeita naggríslan er vinsæl, alltaf gaman að koma við hana.

Spurning fyrir doktorinn

Ég náði ekki að angra dr. Ármann í TopShop með spurningu um kynhneigð Tinna en þá er komið að því að spyrja hann að spurningu sem er mun betri. Spurning sem er tímabær og góð.

Hvað í ósköpunum þýðir orðið „Skonrokk“? Ég hef velt þessu reglulega fyrir mér í nærri tvo áratugi en veit ekki svarið.

Ef einhver hélt að doktorinn væri Gunni þá geta hinir sömu samt glaðst yfir því að spurningin tengist vissulega rokkdoktornum.

Hafnað af vírus

Eygló var að fá rúmlega 20 email með vírus en ég fékk ekkert. Að vissu leyti fæ ég höfnunartilfinningu þar sem ég á greinilega enga vini. Reyndar á þetta sér eðlilegri skýringar. ég er með frekar nýtt email á meðan Eygló er með email sem var áður í notkun og ég giska á að vinir þeirrar sem hafði þetta email áður séu upp til hópa svo miklir hálfvitar að þeir senda svona rusl áfram (séu semsagt ekki með vírusvörn).

Áfall, vitlaus maður/vitlaus Óli og flutningar

Fékk áfall í gær þegar þegar vinnufélagi minn sem var búinn að samþykkja að vinna fyrir mig kvöldið sem Foo Fighters tónleikarnir eru sagði mér að hann væri að hætta til að gerast vörubílstjóri. Eftir að hafa elst við nokkra náunga þá fann ég einn sem var tilbúinn að vinna fyrir mig þannig að áfallið stóð ekki lengi. Úff.

Náði annars í gær dásamlegum árangri í að spjalla við vitlausan mann. Ætlaði að ýta á nafnið hans Nils á MSN-listanum mínum en rakst óvart á Palla þannig að ég sendi honum fullt af skilaboðum í þeirri trú að um Nils væri að ræða. Ég fattaði ekki að ég hefði farið mannavillt fyrren Palli kannaðist ekki við nafnið á kærustu Nils. Glæsilegt alveg.

Pökkuðum helling af stöffi í gær, íbúðin á eftir að vera í rugli í tæplega tvær vikur. Nær allar videospólur, þónokkuð af bókum og dvdmyndum eru komnar oní kassa en þó er heilmargt eftir. Maður veit aldrei hvað maður á mikið dót fyrren maður flytur.