Ég hef núna beðið í mánuð eftir próftöflunni og nú er komið á hreint að þau þvælast ekki fyrir ef ég ætla að skreppa út. Hvers vegna er ég að pæla í að fara til útlanda? Nú, til að sjá Queen + Paul Rodgers. Nú er mér fyllilega ljóst að þetta er ekki Queen einsog hljómsveitin var með Freddie en …
Ég hefði hiklaust farið ef Roger eða Brian hefðu verið með sólótónleika, ég hefði rokið út til þess, og því er fáránlegt að ætla að sleppa þessu tækifæri.
Tónleikarnir verða 30. apríl og ég er eiginlega að hugsa um að fara bara eldsnöggt út, koma 30. og fara 1. maí. Já, þetta kostar en hvað um það. Maður er ekki aðdáandi meiripart ævi sinnar til þess eins að missa af svona tækifæri.
Spurning hvernig ég á að hafa þetta. Ætli fleiri Queenaðdáendur vilji fara? Ætli ég geti hitt einhverja þarna úti? Það væri samt ekkert að því að fara einn. Ég verð að fara að ákveða mig.
Sæll Gneisti. Hef fylgst vel með skriftum þínum, sem og annarra vantrúarmanna. Og er skoðanabróðir.
En ég hjó eftir því á gömlum lista þínum yfir 101 atriði um þig, að þú teldir þig góðan penna.
Það er ákaflega sorglegt. Ég stend þig nefnilega að því, ítrekað, að klúðra góðri meiningu með vondum stíl.
Þannig kemur þú oftar en ekki höggstað á þig.
Samt einkennilegt að ég skuli koma með þetta komment nú - enda viðkomandi prívat færsla þín meinlaus og hefur ekkert með hefðbundið propaganda að gera.
En bara til að gera þér hugmynd um dæmigert klúður má allt eins taka eitthvað úr síðustu færslu þinni.
Tökum bara upphafsorðin:
“Ég hef núna beðið í mánuð eftir próftöflunni og nú er komið á hreint að þau þvælast ekki fyrir ef ég ætla að skreppa út.”
Þau hver?
Þarna ruglarðu saman eintölu og fleirtölu. Þú sérð það sjálfur, við nánari skoðun.
Höldum áfram…
“Ég hefði hiklaust farið ef Roger eða Brian hefðu verið með sólótónleika, ég hefði rokið út til þess, og því er fáránlegt að ætla að sleppa þessu tækifæri.”
Þarna er bara vondur stíll. Ekki bara að notir “hefði”, “hefðu og “hefði” í sömu setningunni. Þrítekning! Auk þess er ljótt að nota “og” á eftir kommusetningu.
Þú sagðir líka að þú “hefðir rokið út til þess”, rétt eins og þú hafir ætlað að vera þeim innan handar með tónlistarflutninginn.
Svo vitlaust var þetta orðalag.
Og við höldum áfram:
“og því er fáránlegt að ætla að sleppa þessu tækifæri”.
Þarna hefði verið gott að sleppa orðinu “ætla”. Þannig hefðir þú losnað við að tvítaka forskeytið “að”.
Hefði betur farið sem: “og því er fáránlegt að sleppa þessu tækifæri.”
Einfaldara mál og réttara. Annars er síðastnefnda aðfinnslan smámunasemi. Bara vinsamleg ábending.
Annars er vont af mér að gagnrýna svona prívatfærslu. Vantrúarfærslurnar liggja betur við höggi. Enda “opinber” skrif. Og margar hverjar verr skrifaðar en þessi.
En ég er stuðningsmaður vantrúar og vil því frekar kommentera á þig hér, fremur en að gefa gagnrýnisröddum okkar byr undir báða vængi. Hugnast síður að gagnrýna þig inni á vantrúarvef.
Það er annars með hlýhug sem ég bendi þér á þessi atriði.
Stíll þinn hefur farið í taugarnar á mér, allt of lengi.
Ég er samherji þinn í skoðunum og mér þykir því miður pennafimi þín vera langt fyrir neðan virðingu vantrúar.
Vandaðu þig betur, kæri Gneisti.
Mér sýnist Hringur síst hafa efni á að gagnrýna stíl annarra.
Ég held það sé rétt að taka fram að ekkert að því sem Hringur er að hnýta út í (sem er ýmist smáatriði eða einfaldlega hlutir sem er ekkert að) er nálægt því að vera jafn slæmt og að segja: “Þannig kemur þú oftar en ekki höggstað á þig.” Maður gefur höggstað á sér. Eins og Hringur svo sannarlega gerir.
Í fyrstu setningunni rugla ég ekki saman eintölu og fleirtölu. Ég er að tala um þau prófin, próftaflan sjálf er voðalega lítið að þvælast fyrir manni í utanlandsferðum. Ég held að þetta sé alveg augljóst.
Önnur setningin inniheldur vissulega mikið af hefðum en það er viljandi. Ég hef gaman af því að endurtaka orð svona stundum þó það angri suma. Ég hefði getað sleppt “til þess” hefði ég verið að vanda mig en í raun hefði það verið óþarfi, það að segja að þetta hljómi einsog ég ætli að hjálpa þeim við tónleikahaldið er voðalega langsótt og eiginlega bara útúrsnúningur.
Þetta “að ætla” er að mínu mati þarft í setningunni því án þess væri merkingin ekki sú sem ég ætlaði að ná fram.
-
En ef þú vildir endilega koma með athugasemdir um Vantrúargreinar mínar þá er til nokkuð sem heitir tölvupóstur, þar hefðirðu jafnvel getað skrifað undir réttu nafni. Mig grunar reyndar hver þú ert og ég held að við séum einfaldlega ósammála um þessa hluti. Ég tel því lítið gagn í nöldri þínu.
Þú hefur rétt fyrir þér.
Tómt bull í mér.
fyndin umræða. Þekki ég þig, Hringur?
mig dauðlangar annars á tónleikana en efast um að ég komist :-(
Efast um að þú þekkir mig, Hildigunnur. Þó veistu það sennilega, ef svo er. Hringur er jú ekki jafn algengt nafn og Jón. Föðurnafnið læt ég þó ekki uppi. En ég hljóp á mig með gagnrýni á Gneista. Smámunasemi í mér, algjörlega
Þó misskildist húmor míns eigin komments. Lét þar flakka nokkrar stílvillur sem ég vonaði að Gneistinn kæmi auga á. :)
Jæja, síðasta kommentið frá mér.
Áttaði mig á því að ég svaraði aldrei andsvari þínu, Gneisti.
Þrátt fyrir smámunasemi mína og stæla þá er svar þitt um eintölu/fleirtölu út í hött.
Þú segir í andsvari: “Í fyrstu setningunni rugla ég ekki saman eintölu og fleirtölu. Ég er að tala um prófin, próftaflan sjálf er voðalega lítið að þvælast fyrir manni í utanlandsferðum.”
Þá áttirðu auðvitað að segja það. Eða láta svona skýringartexta fylgja hverri grein frá þér!
Þú talar hvergi um “prófin” í textanum, heldur segirðu “þau”, eftir að hafa talað um “próftöfluna”. Þau=próftaflan er jafna sem gengur bara ekki upp!!!
Þú getur ekki ætlast til þess að slíku sé tekið sem sjálfsögðum hlut. Að láta lesendur um að vera endalaus leiðréttingarborði og geta sér til um hvað þú meinar, málfræðilega. Það er ekki stíll - það er vitleysa.
Annars er nóg komið af þessari smámunasemi og bulli í mér.
Bestu kveðjur,
Hringur S.
úr því þú þekkir mig ekki, þekki ég þig ekki heldur, minn Hringur hefði kannast við mig :-)
Hringur, er vandamál þitt kannski að þú hefur ekki hæfileika til að leggja saman tvo og tvo?
Mig langar ekki á þessa tónleika.
Get eiginlega ekki einusinni sagt mig myndi langa á sólotónleika Brians eða Rogers. Finnst þeim hafa farið aftur frá því sem best var.
Queen voru fjórir einstaklingar sem komu saman og 1+1+1+1 = googolplex. Það verður ekki að gerast núna.
Hmm. Málefnalegt svar Gneista:
“Hringur, er vandamál þitt kannski að þú hefur ekki hæfileika til að leggja saman tvo og tvo?”
Hehe, spaugilegt. Eru það þín íslenskufræði menn eigi að leggja saman tvo og tvo til að fá út vitrænan íslenskan stíl?
Nenni ekki að svara svona, elsku vinur.
Ænei, hvað á ég að gera án þinna djúpvitru athugasemda?
Eg sa Queen+Paul Rodgers i Hamburg 28april og sa tha lika i Stokhølmi en eg a heima i Danmørku en eg hoppadi i høpferd a tønleika Queen i Hamburg og svo før eg sjalfur til Stokhølms ad sja upphalds hljmsveitina mina aftur en tønleikarnir i Stokhølmi eru bestu tønleikar sem eg hef farid a og næst bestu tønleikar sem eg hef farid eru tønleikarnir i Hamburg med Queen+Paul Rodgers. Veistu nokkud hvort ad thad se hægt ad skoda husid hans Freddie Mercury og grøfina hans i London?
kv.atli
Ég fór náttúrulega á fyrstu tónleikana í túrnum. Það er hægt að koma að húsinu hans Freddie en það er ekki hægt að koma inn fyrir girðinguna. Það er ekki opinbert hvar gröf Freddie er.