Day: 20. apríl, 2007

Moggabloggið birtir IP tölur kommentara

Moggabloggið ergir mig enn og aftur. Í þetta skiptið þá er það vegna þess að þeir eru byrjaðir að birta IP tölur þeirra sem kommenta án þess að skrá sig inn. Þetta er bara fáránlegt. Það er engin ástæða til þess að gera þetta. Það er nauðsynlegt að skrá IP-tölur þannig að þeir sem eiga síðurnar geti séð hvaðan athugasemdirnar komi ef eitthvað óviðeigandi birtist.

Ég sendi núna áðan tölvupóst á blog.is þar sem ég heimtaði að öllum athugasemdum sem ég hef sent inn verði eytt eða að þeir hætti að birta IP-tölurnar. Ég sætti mig ekki við þetta kjaftæði.

Úrvinnslan?

Jón Sigurðsson sagði að það gæti verið eitthvað í úrvinnslu skoðanakannana sem ylli því að Framsóknarflokkurinn kæmi illa út.  Nú er margt sem getur skekkt skoðanakannanir en það þarf nú að vera eitthvað meira en skrýtið við úrvinnsluna til að hún eyðileggi alltaf fyrir sama flokknum sama hver tekur könnunina og hvaða aðferðafræði er notuð.

Ef það er einhver skekkja þá myndi ég giska á að aldurmörkin séu sökudólgurinn. Fólk yfir sjötugt er almennt ekki spurt.

Google Earth

Ef ég hef ekki sagt það nógu oft þá er best að endurtaka það.  Ég elska Google Earth.

Ástæðan fyrir því að ég minnist á það núna er sú að ég var að leika mér að setja skrá inn á Kaupmannahafnarsíðuna (sem er ekki til en þó dáltið inn á henni miðað við til dæmis Færeyjasíðuna). Ef smell er á hlekk á þess skrá sem er einmitt svona: Jorcks Passage. Þá geturðu opnað skránna ef þú ert með Google Earth.  Forritið opnast, færist austur frá Bandaríkjunum, sveimar niður í átt að Danmörku, súmmar á Kaupmannahöfn og endar á Jorcks Passage þar sem spilabúðin Games Köbenhavn er staðsett.  Þetta getur Sverrir Guðmundsson allavega gert.  Ég get ekki ímyndað mér annað en hann sé með Google Earth í tölvunni sinni.

Þegar ég vinn meira í þessum ferðasíðum mínum þá ætla ég að setja svona skrá við hvern einasta stað.  Þetta er hinn andlegi hafís tækni- og framfarahyggju minnar.

Setjið inn Google Earth. Þið sjáið ekki eftir því. Næst þegar einhver þarf leiðbeiningar heim til mín þá sendi ég bara GoogleEarth skrá.