Ég er ekki á því að Lára Ómarsdóttir hafi verið alvara um að fá einhvern til að kasta eggi fyrir myndavélarnar. Hugsanlega er það af því að ég sjálfur á það til að missa ýmislegt út úr mér sem mér finnst vera fyndið. Ég hef séð blaðamenn gera mun stærri mistök án þess að þeir einu sinni biðjist afsökunar á þeim.
Day: 25. apríl, 2008
Tilraun sem mistókst
Tilgangur minn með færslunni hér á undan var að sjá hvort að VÍS myndi sýna einhver viðbrögð, semsagt að fréttin yrði tekin út. Ég hef ekki séð að nokkur frá VÍS kæmi hingað inn og fréttin er enn á sínum stað. Áhrif mín eru engin. Eða, allavega ekki í þessu tilfelli.
Það segir sitt að mun fleiri hafa kíkt á greinina hans Vésteins sem ég vísaði fyrr á heldur en þessa frétt hjá VÍS.
VÍS notar ofbeldismann til að kynna þjónustu
Af forvitni gúgglaði ég gaurinn sem barði lögreglumanninn í gær. Ég rakst þá á síðu þar sem VÍS er að kynna þjónustu þar sem fellihýsaeigendum er boðið upp á að fá ókeypis skoðun:
,,Ég heyrði um þessa þjónustu í útvarpinu í morgun og ákvað strax að þiggja hana,“ sagði Ágúst Fylkisson við tíðindamann heimasíðu VÍS […] ,,Og nú hlakka ég bara til að löggan stoppi mig til að tékka á fellihýsinu, þá veifa ég þessum pappírum framan í þá!“ sagði Ágúst[…]
Ég sá ekki að hann væri með þessa pappíra á sér á Kirkjusandi í gær.
Skömmtun á bensíni/olíu
Mig grunar að margir reki upp stór augu þegar þeir sjá tillögu Vésteins um skömmtun á olíu/bensíni. En gæti þetta verið framtíðin?
Vinnutap
Ég hló þegar ég heyrði að bílstjórar þeirra vörubíla sem voru fjarlægðir í gær vildu skaðabætur vegna vinnutaps. Ætla þeir þá kannski að borga vinnutap mitt, Eyglóar og þeirra tugþúsunda sem hafa orðið seinir í vinnu vegna aðgerða þeirra?