Ekki henda XP tölvunni þinni

Morgunblaðið birtir gagnrýnislaust áróður Microsoft sölumanns og kallar frétt.

En hvað geta Windows XP notendur gert? Snæbjörn segir að best sé að uppfæra tölvuna í nýrra stýrikerfi, Windows 7 eða Windows 8.1. Ekki er víst að allar eldri gerðir tölva ráði við Windows 8.1 en þær gætu ráðið við Windows 7. „Ef tölvan er orðin mjög gömul er líklegt að tími sé kominn til að endurnýja hana,“ segir Snæbjörn.

Þetta er þvaður. Ef þú ert með tölvu sem keyrir á Windows XP þá áttu helst að líta til Linux. Flestir sem hafa vit á þeim málum mæla með Linux Mint. Það er ókeypis. Þú færð líka ókeypis myndvinnsluforrit. Einnig „Office“ hugbúnað. Og þetta verður áfram ókeypis. Margar tegundir af Linux eiga ákaflega auðvelt með að keyra á gömlum tölvum. Það er ákaflega auðvelt núorðið að skipta yfir í Linux. Það besta er að þú getur prufað margar útgáfur af Linux án þess að setja stýrikerfið upp, þú bara skrifar það á disk eða minnislykil og keyrir það þannig upp. Þá geturðu séð hvernig það virkar (þó það sé alltaf hægvirkara þegar það er ekki almennilega uppsett á hörðum disk).

5 Comments.

  1. Allt varðandi tölvur og hugbúnað snýst um peninga !
    Líka þín skrif um tölvur og hugbúnað snýst um peninga !

    Vandamálið er hver er að borga hverjum og hvers vegna ?

    Fyrst þú skrifaðir um þetta þá þarftu líka að segja frá þínum hluta af peningagreiðslum !
    Þetta er ekkert neikvætt, en samt !

  2. Það borgar mér ekki neinn neitt fyrir að skrifa þetta. Ég er svo brjálaður að mig langar að hjálpa fólki og þarf ekki að fá borgað fyrir það. Ég myndi vilja vita hvar í ósköpunum maður ætti að fá peninga til að tala fallega um Linux.

    Hver borgaði þér annars fyrir að skrifa þessa athugasemd?

  3. Bárður Sigurðsson

    Takk fyrir þessa ábendingu Óli. Ég er einn af þeim sem þarf að finna mér eitthvað í staðinn fyrir XP og ætlaði einmitt að fá mér Ubuntu en hef ekki alveg vit á því hvaða útgáfu væri sniðugast að fá sér. En fyrst þú mælir með Linux Mint er ég að hugsa um að prófa það. Þá vaknar hins vegar aftur sama spurning, því ég sé ekki betur en að um nokkrar útgáfur sé að velja. Á maður bara að prófa þær allar og velja þá sem manni líst best á? Eða er einhver ákveðin útgáfa sem þú mælir með?

  4. Ég myndi bara prufa og prufa. Sumt er bara smekksatriði. Ég var hrifinn af Ubuntu en síðan breyttu þeir til þannig að mér líkaði ekki.

  5. Bárður. Komdu á Múltí Kúltí næsta laugardag, 5. apríl með gömlu vélina þína.
    https://www.facebook.com/events/222157397983778/