Day: 5. júlí, 2003

Ef einhver minna dyggu lesenda á hið stórkostlega spil Fimbulfamb en vill ekki eiga það lengur má hafa samband við mig. Ég býð sanngjarnt verð.

Dagurinn sem ég verð sköllóttur verður dagurinn sem ég tek upp nafnið Skalla-Grímur hinn síðari.

Þá kemst ég í Séð og Heyrt. Aftur.
Sé fyrir mér greinartitilinn: TÓK UPP NAFNIÐ SKALLA-GRÍMUR!!! Einnig mætti þar finna undirsögn á mynd: Eitt sinn hét hann Arngrímur!!! Greinin sjálf gengi aftur á móti einhvern veginn út á það hvernig mér fannst ég ekki tengjast uppruna mínum á mannsæmandi hátt fyrr en ég hafði breytt nafninu og bla bla bla. Séð og Heyrt í hnotskurn. Glans og glimmer, glans og glimmer, svo les maður greinarnar…

…grunaði ekki gvend. Litlaus og innihaldslaus viðtöl við fólk sem þráir athygli. Raunveruleg dæmi um fyrirsagnir:
VALA MATT: HEFUR GAMAN AÐ EIGIN ÞÁTTAGERÐ!!!
BIRGITTA HAUKDAL: RÓMANTÍSK!!!!!!!!!!!
DORRITT MOUSSAJEFF: HEFUR GÓÐAN FATASMEKK!!!!!!!!!

Að hugsa sér hégómleikann sem drýpur af blaðinu. Það þarf ekki glimrandi fyrirsögn með upphrópunarmerkjum til að sannfæra mig um það að Vala Matt hafi gaman að Innlit/Útlit. Annars væri hún varla að gera þetta. Þess fyrir utan, er ekki öllum alveg nákvæmlega sama?