Það hefði verið vandræðalegt ef Einar Ágúst, söngvari Skítamórals, hefði ætlað að versla sér í matinn í Bónus í Faxafeni í dag. Þar hangir nefnilega risastór mynd af honum með orðunum „HANDTÖKUSKIPUN GEFIN ÚT Á EINAR ÁGÚST!“ undir.
Finnst mér það leiðinlegt að einhverjar steinrunnar leikhúsufsagrýlur hafi gengið út af sýningu Stúdentaleikhússins á Þú veist hvernig þetta er? Hreint ekki. Mér finnst það bæði fyndið og mikil háðung fyrir þá sem gengu út. Svo þykja mér ummælin „ef þetta er unga kynslóðin, þá er ég ánægður að vera að hætta,“ segja meira um Gunnar Eyjólfsson en sýninguna. Að því sögðu kallaði hann leikgerðina tilgerðarlega. Mér finnst ekki síður tilgerðarlegt að yfirgefa leiksýningu vegna „guðlasts“ og röfla í fjölmiðlum um téð „guðlast“. Þar að auki hlýtur framkoma hans að bera mikið óþroskamerki þar sem hann yfirgefur húsið vegna eins hlutar og kvartar svo undan öðrum. Hver í fjandanum er annars þessi Gunnar Eyjólfsson?