Fann Inngang að tónfræði eftir Hallgrím Helgason við uppröðun á safninu í morgun. Var smástund að átta mig gegnum syfjuna að ekki myndi þetta vera sjálfur Rex spiriti temporae. Seisei.
Eignaðist í gær Gráskinnu hina meiri, bæði bindi, skrifaða af hinum mestu meisturum Íslandssögunnar, þeim Sigurði Nordal og Þórbergi Þórðarsyni, en Kári keypti hana fyrir mig á Akureyri um helgina. Þá á ég dálítinn slatta af þjóðsögum, því fyrir utan þessar og sögur Jóns Árnasonar á ég tvær bækur aðrar sem báðar eru annað bindið af tveimur í nýlegri þjóðsagnasöfnum. Þær eru raunar ekkert voðalega merkilegar, en samt.
Annars ætluðum við Brynjar alltaf að prófa að safna þjóðsögum. Hvað varð um þau áform?