Fékk tvær tilkynningar í tölvupósti, annað varðandi flutninga á þessari síðu, hitt var til þess að tilkynna að ég væri að fá íbúð á stúdentagörðum. “Jey” kyrja allir. Það var nú gott. Eygló fær örugglega fyrst að vita af þessu í gegnum dagbókina. Annað “Jey”. Takk, takk.
Ég er búinn að skoða þá nágranna sem eru skráðir í símaskránni og fann ég þar bloggara. Kristján og Stella verða nágrannar okkar Eyglóar, veit svosem ekki hvort þau verði á sömu hæð eða allt annars staðar í húsinu. Allavega finnst mér skondin tilhugsun um að rekast á þau dagsdaglega. Nema þau séu að fara að flytja út um mánaðarmótin næstu þegar við flytjum inn. Þá er þetta ekkert skondið. Amm.