Samsæriskenning dagsins snýst um stefnuræðu forsætisráðherra. Hver lak henni? Ég held að Davíð sjálfur sé lekandinn. Hvers vegna gerði hann það? Ég veit það ekki fyrir víst en mér dettur ýmislegt í hug. Til dæmis gæti hann hafa gert þetta til að draga athyglinni frá stefnuræðu sinni, ég til dæmis veit ekkert hvað kom fram í stefnuræðu hans en ég veit af lekanum. Þetta segir okkur að umræðan um lekann sjálfan hafi verið miklu áhugaverðari en lekinn sjálfur og þar af leiðandi hafi enginn nennt að hlusta á ræðuna.
Það sem styður þessa kenningu er að þessu var lekið á Stöð 2, síðast þegar ég vissi þá horfir enginn á fréttir Stöðvar 2, þar eru nær engir fréttamenn lengur og fréttastofan hefur engan trúverðugleika.
Hvers vegna vill Davíð ekki stefnuræðan hans veki athygli? Í fyrsta lagi vegna þess að hann er að brjóta fullt af kosningaloforðum (þetta er náttúrulega gisk þar sem ég veit ekkert um stefnuræðuna) og í öðru lagi þá finnst honum ekkert gaman að tala um stjórnmál þegar almenningur heyrir. Við vitum síðan hve Davíð finnst gaman að skamma fólk og þetta gaf honum einmitt tækifæri til þess, lemja Stöð 2 leiftursnöggt í hnakkann.