Í gær vorum við eitthvað að spjalla um daður Pezkarlsins og Dr. Schnitzels við metrósexúalisma. Mér datt þá í hug að fílapenslanefhreinsiplástrarnir sem þar koma við sögu hafi verið fundnir upp af fótboltamönnum. Munið þið eftir tískunni sem var um árið hjá fótboltamönnum sem gekk út á það að hafa einhverja plástra á nefinu sem áttu að „hjálpa við öndun“. Mér fannst alltaf vafasamt að þessir plástrar gerðu eitthvað gagn varðandi öndun og nú þegar ég tengi þetta tvennt saman skil ég hvað var í gangi. Þetta var án efa víðtæk prófun á þessum fílapenslanefhreinsiplástrum sem komu á einmitt á almennan markað nokkrum árum seinna.