Bakið er ekkert of slæmt en þó var ég farinn að finna fyrir því þegar ég sat í óþægilegum stól í Lögbergi í dag. Ég held að flensan sé á undanhaldi. Ég vona að hvort tveggja hverfi á braut bráðlega.
Annars þá fór ég áðan að íhuga það að segja mig úr Eigindlegum Rannsóknaraðferðum og halda bara áfram í Rómarsögunni. Síðarnefndi kúrsinn hjálpar mér í MA-ritgerðinni. Fyrir verkefnið sem mig langar að vinna í sumar þá væri hentugt að vera búinn með eigindlegar en þó er það ekki svona einfalt. Gæti verið betra að vinna allt verkefnið í sumar.
Aðalmálið er að ég þarf að skrifa slatta á önninni í MA-ritgerðinni minni og þá er kannski verra að dreifa kröftunum. Úff. Fundur með Terry á fimmtudaginn… verð væntanlega að segja að ég hafi engu komið í verk.