Ég gæti trúað að þetta leikrit verði endurtekið lítið breytt næstu tvö árin rúmlega:
Ólafur F: Ég er að spá í að kaupa þennan bílskúr í Þingholtum sem á að rífa til að varðveita götumyndina.
Gamli góði Villi: Þú hlýtur að vera að grínast! Þetta kofaræksni. Það ætti að brenna það.
ÓF: Hóst hóst. Ég held ég sé að verða veikur. Hvað er númerið hjá Möggu aftur?
GgV: Veistu, við bara reddum þessu. Nauðsynlegt að verja menningararfinn og svona. Slappaðu bara af.
–
Annars er það skondin tilviljun að nú komi tveir borgarstjórar í röð sem eru læknar. Ég held að ég sé fyrstur til að benda á það.