Lúðastelpan er vinkona sætu vinsælu stelpunnar en óvæntir atburðir setja strik í reikninginn. Hryllingsgamanunglingamynd.
Megan Fox er sæta vinsæla Jennifer en Amanda Seyfried er lúðinn, svo til að undirstrika þessa Hollywood-hefð að láta fallegar konur þykjast vera óspennandi. Johnny Simmons (sem ég þekki best sem Young Neil úr Scott Pilgrim) er lúðalegi kærasti lúðastelpunnar. Versti Chris-inn er í aukahlutverki.
Jennifer’s Body tengist Juno (2006) á ýmsan hátt enda skrifuð af handritshöfundinum Diablo Cody og framleidd af leikstjóranum Jason Reitman. Emily Tennant, J.K. Simmons og Allison Janney koma fram í báðum myndunum.
Ég var ekki gripinn af myndinni. Hún er fín. Reglulega fyndnar línur en ekkert sem ristir djúpt.
Óli gefur ★★⯪☆☆👍
Maltin gefur ★★