Boðskapur ráðherra Framsóknarflokksins þessa daganna virðist vera að kjósendur landsins séu heimskir og þar af leiðandi ætli þeir ekki að kjósa flokkinn. Ef ég man rétt þá hafa bæði Valgerður og Siv látið út úr sér að kjósendur séu ruglaðir eða ringlaðir út af umræðunni um fjölmiðlafrumvarpið. Þær eru sannfærðar um að kjósendur sjái að sér um leið og fjölmiðlar hætta að tala um málið, allavega ættu kjósendur að sannfærast þegar Framsóknarflokkurinn tekur sig til og kaupir þá í næstu kosningum með sjónvarpsauglýsingum og fölskum loforðum.
Kjarninn er í málflutningum er náttúrulega að kjósendur hafa ekki greindarlega burði til að skila hvað er raunverulega á seyði, hinir illu fjölmiðlar Baugs hafa blekkt þá þannig að þeir sjá ekki að Framsóknarflokkurinn er ljósið, lífið og sannleikurinn.
Sjá einnig grein Katrínar Jakobsdóttur: Stíl- og rökfræðiverðlaun júlímánaðar