Ég næ varla að æsa mig þó örlög heimsins ráðist af því hvort að hasarmyndahetjur nái að ljúka sínum verkefnum. Þannig að Thelma var ferskur andardráttur.
Sjálfstæð og þrjósk kona á tíræðisaldri ákveður að leita uppi menn sem sviku af henni fé. Hennar hetjuför er mannleg. Við skiljum hana.
Þegar tölvuhakkari í njósnagengi nær að slá nógu oft á takkborðið sitt til að slökkva á öryggiskerfinu þá hafa áhorfendur enga hugmynd um hve erfitt það var. Við höfum hins vegar mörg þurft að eiga við þrjóska mús sem hreyfist varla nema við hömumst á henni. Mannlegt og hversdagslegt.
Sem spennumynd greip myndin mig en hún er líka með fyndnari myndum sem ég hef séð undanfarið.
June Squibb var frábær í titilhlutverkinu.
Mæli með. Fyrir eiginlega alla.