Sjónvarpsstjóri lærir lexíu af þremur öndum. Ekki kvakandi.
Áður en Prúðuleikararnir eyðilögðu þetta fyrir öllum hinum var Scrooged uppáhaldsútgáfan mín af Jólasögu Dickens. Ekki að ég hafi séð margar áður. Ég elskaði líka Bill Murray.
Scrooged er leikstýrt af Richard Donner (Superman) og tónlistin er eftir Danny Elfman (Batman).
Það eru frægir leikarar í Scrooged. John Houseman (einn af höfundum Citizen Kane), Karen Allen (Raiders), Bobcat Goldthwait (Police Academy 2), John Glover (Gremlins 2) Anne Ramsey (Goonies), Robert Mitchum (Night of the Hunter), Alfre Woodard (Crooklyn), Michael J. Pollard (Bonnie & Clyde og Roxanne), John Forsythe (Dynasty), David Johansen (New York Dolls, hljómsveitin sumsé, og Let It Ride) og ekki bara einn, ekki bara tveir, heldur þrír bræður Bill Murray.
Síðast en ekki síst er Carol Kane (The Princess Bride) sem eignast myndina í hlutverki anda núverandi jóla. Hún er stjarnfræðilega fyndin og hækkar stjörnugjöfina ein síns liðs.
Scrooged er meira fyndin en góð. Endirinn nær ekki alveg að virka. En það er alveg hægt að syngja með og hafa gaman.
Maltin gefur ★★☆☆.
Óli gefur ★★★⯪☆👍👍.