Hennar barn

Eins og ég benti á þá á ég ekki barnið í vagninum hér að neðan. Telma og Kalli eiga barnið.

Dagurinn í dag var röltdagur. Rölti frá Bókhlöðuna í tíma og aftur í Bókhlöðuna. Síðan fór ég út í Odda og hitti Dagbjörtu og rölti með henni á Alþjóðaskrifstofu. Aftur í Odda þar sem ég lærði með Sigrúnu fyrir blúsprófið.

Þegar við vorum að gefast upp á að læra þá sendi Telma mér sms og spurði hvort ég væri á svæðinu. Þá kemur í ljós að hún er við næsta hús ganga með barnið (sem ég hafði ekki séð!).

Með Telmu röltum við heim til Sigrúnar og síðan fórum við Telma tvö aftur til baka með Ægissíðunni. Keyptum hollustu í bakaríinu eins og sést á myndinni. Þetta var gaman og stelpan, Brynhildur, sæt (reyndar er Telma augljóslega sæt líka).

Takið eftir Háskólalistabarmmerkinu hjá Telmu. Hún er í framboði (tveggja ára reglan sko).