Gneistinn

Í 24 stundum má lesa um nýja bók.

„Það er alveg klárt að fólk trúði þessum sögum hér áður fyrr því bókin er öll byggð á heimildum,“ segir Sigurður Ægisson, guðfræðingur og þjóðfræðingur. Hann skrifar textann í bókinni Íslenskar kynjaskepnur[.]

Það er gott að geta fullyrt svona vel og vandlega um hverju fólk trúði í alvörunni. Sú hugmynd kemur ekki einu sinni upp í hugann að fólk hafi hugsanlega sagt þjóðsagnasöfnurum sögur af furðuskepnum án þess þó að trúa þeim raunverulega sjálft. Enginn myndi fórna sannleikanum fyrir góða sögu… eða hvað?

Að mínu mati er það besta við Firefox 3 að þegar hann er að bjóðast til að muna fyrir mann lykilorð þá getur maður fyrst séð hvort maður hafi slegið það inn rétt og því festast ekki inn eitthvað mismunað rugl.

Á Vísi er, eða var, könnun frá Reykjavík Síðdegis þar sem spurt var hvort Tryggvi Þór Herbertsson væri rétti maðurinn í stöðu efnahagsráðgjafa forsætisráðherra. Ég hef áður bent á að notkun netkannanna sé fyrst og fremst merki um lélega blaðamennsku enda eru nær* alltaf marklausar. Þessi spurning gengur skrefinu lengra enda er ekki nokkur leið til þess að lesendur Vísis hafi nokkuð vit á hæfileikum Tryggva. Það gætu slæðst inn örfá atkvæði frá fólki sem getur tekið upplýsta afstöðu. Meiriparturinn af atkvæðunum kemur samt augljóslega frá fólki sem hefur fáfræðina eina að til að miða við þegar það er að greiða atkvæði.

Á Mogganum er frétt um að Landsbankinn hafi sameinað tvö útibú sín. Að sjálfssögðu þýðir þetta að eitt þeirra var lagt niður. Reyndar var engum starfsmönnum sagt upp en það breytir engu fyrir viðskiptavinina sem treystu á að hafa útibú í nágrenninu.

Andrés Jónsson segir að stjórnarandstaðan sé veik. Það er náttúrulega rétt að stjórnarandstaðan á við vandamál að stríða. Stærst þeirra er náttúrulega að Frjálslyndir er fávitar og ekkert hægt að gera með þá. Framsókn á síðan voðalega erfitt með að gagnrýna stefnu ríkisstjórnarinnar þar sem hún er eiginlega sú sama og þegar þeir voru í stjórn.

Framsókn hefur hins vegar staðið sig ágætlega í að benda á að Samfylkingin hefur leyft Sjálfsstæðisflokknum að níðast meir á heilbrigðiskerfinu en þeir fengu áður. VG hefur að venju talað mikið um velferðarmál og hugsanlega hafa einhverjir tekið eftir gagnrýni flokksins á svik Samfylkingarinnar í umhverfismálum.

Það þarf ekki að ræða um efnahagsstefnu ríkisstjórnarinnar þar sem hún virðist ekki vera til staðar. Allir hafa kallað eftir aðgerðum en líklegast hafa fylgismenn stjórnarinnar ekkert tekið eftir því.

Ætli Andrés hafi heyrt af gagnrýni á ríkisstjórnina, og þá sérstaklega Samfylkinguna, fyrir svik við kvennastéttir sem átti að gera svo vel við?

Andrés veltir fyrir sér af hverju honum sé enn svona illa við Sjálfsstæðisflokkinn en kemst ekki að þeirri augljósu niðurstöðu að það sé vont að vera í bólinu með djöflinum. Það hlýtur að vera sárt að svíkja hugsjónir sínar og taka að sér hlutverk Framsóknar. Þá er gott að leita að einhverjum öðrum til að kenna um eigin vanlíðan.

Á Morgunblaðinu starfar fólk með yfirgripsmikla þekkingu:

Rússar minnast þess í dag að nítíu ár eru frá því síðasti keisari þeirra Tsar Nicholas II og fjölskylda hans voru tekin af lífi.

Keisarinn Tsar. Þetta er skemmtilegt.

Í Kaupmannahöfn sá ég nærbuxur sem minntu mig á Ármann Jakobsson. Þær voru af týpunni Björn Borg. Eigandinn var nefnilega svo stoltur af þeim að ég sá þær vel og vandlega. Enda er það væntanlega tilgangslaust að eiga Björn Borg nærbuxur ef það vita ekki allir af því.

Það var orðið full langt síðan ég nefndi Ármann hér á nafn og sumir gleðjast örugglega við endurkomu hans hingað.

Nú hef ég ekki heyrt að ráðið hafi verið í spyrilsstarfið hjá Gettu Betur. Ég tel að það sé ákaflega augljós kandídat í boði innan RÚV… Páll Magnússon. Hann hlýtur að geta bætt þessu við sig.

Í Sjónvarpinu er þáttur þar sem goðsögnin um Aþenu á að vera hrakin. Hingað til hefur komið fram að konur hefðu lítið frelsi og þar hafi verið þrælar. En hvað þetta eru stórkostlegar uppgötvanir. Eða ekki. Minnir að þetta hafi komið fram í grunnskólasögubókinni Samferða um söguna. Er ekki nóg að gera heimildarmynd um Aþenu án þess að það eigi að vera allt voðalega byltingarkennt?

Það er gott að vera kominn heim. Fyrst Derry, London, Borlänge, Stokkhólmur, Kaupmannahöfn og síðast Akureyri.

Ég gat ekkert keyrt á heimleiðinni í dag af því ég er kvefaður og fæ voðaleg hnerraköst sem gætu orðið banvæn ef maður væri undir stýri. Það er annars óttalega mikið af hálvitum á vegunum. Mig grunar að það sé erfitt að finna nokkurn sem keyrir stóran svartan pikköpp sem ekkert slefandi fáviti. Síðan var annar með einkanúmerið VIP sem keyrði næstum framan á okkur þegar hann tók framúr.