Hvaða DDR síða er þetta sem Björn Bjarnason er að tala um? Aldrei hef ég heyrt um hana, þar af leiðandi var hann að gera þeim stóran greiða með að minnast á það. Það er hins vegar vissulega óheiðarlegt af Birni að taka setningu af þessu vefriti án þess að hlekkja eða gefa lesendum slóð á síðuna.
Day: 23. ágúst, 2003
GSM hugleiðingar
Í apríl 1999 keypti ég mér gsmsíma í fyrsta sinn, sá var Nokia 5110 og hann virkar ennþá. Eða næstum því. Loftnetið er nálægt því að detta af og skjárinn er byrjaður að klikka aðeins (lagast samt um leið og ýtt er á einhvern takka).
Við kíktum í símabúðirnar í Kringlunni í dag en ég keypti ekki neitt (enda síminn ekki alveg dauður). Ódýrasti síminn var 3310 en ég held að ég hafi heyrt eitthvað um þeir endist illa, síðan er örlítið dýrari en með þónokkuð skemmtilegri möguleikum. Ég vill ekki lítinn síma, óþarfi að fá svona hlunk einsog 5510 mér finnst þægilegra að finna fyrir símanum.
Ég hef annars ekkert vit á símum þannig að það væri gaman að fá ráðleggingar. Vill aðallega ekki síma sem bilar strax, síðan fer maður með hann í búðina, starfsmaður fer með hann bak við, hendir í haug af biluðum símum og kemur með annan úr haugnum.
Ohh, ekki fann ég jarðskjálftann
Ef Eygló hefði beðið með að fara á klóstið þar til eftir að við færum heim þá hefði ég fundið fyrir honum. Svindl. Vorum annars hjá Hildi að reyna að lagfæra tölvuna hennar, þá hef ég hjálpað fjórum með tölvuvesen í dag. Hildur hringdi síðan í okkur á leiðinni heim og spurði hvort við hefðum fundið hann. Við gátum síðan staðfest fyrir Hildi að þetta hefði verið jarðskjálfti eftir að ég las færslu frá kvenlega bloggaranum. Palli fann líka fyrir honum, kom og spjallaði á MSN. Hefðbundnir fjölmiðlar bregðast en bloggheimar eru á vakt allan sólarhringinn.
En ég hef tvisvar fundið jarðskjálfta, á Akureyri. Ég man vel eftir öðru skiptinu þar sem ég lá í rúminu og allir smellurammarnir utan um „Viðurkenningu fyrir þátttöku“ skulfu. Ég fór og athugaði með köttinn minn en hann varð bara fúll yfir því að ég skyldi vekja hann.
Nú bíð ég eftir eftirskjálfta.