Ég get eiginlega ekki lýst fyrirlitningu minni á þjónustunni í Harðviðarvali. Maður hélt eiginlega að svona lítið fyrirtæki einsog Harðviðarval væri með betri þjónustu en Bykó og Húsasmiðjan, það var misskilningur. Þeir í Harðviðarvali eru ekki heldur með meira úrval, bara sama og á hinum stöðunum.
Ég keypti lista í gær, bað um að fá þá 17:30 en þeir komu ekki. Planið hafði verið að leggja listana að mestu í gærkvöldi, ég var búinn að fá fólk til að hjálpa mér en þar sem engir voru listarnir þá gat ég ekkert.
Ég fór í morgun í Harðviðarval og bað um að þeir yrðu sendir klukkan þrjú og þeir komu ekki. Ég fór áðan og þurfti að bíða heillengi áður en ég fékk aðstoð og sá var voðalega lítið hjálplegur, var aðallega að reyna að koma sökinni af sér.
Ef fyrirtæki gera mistök þá eiga starfsmennirnir ekki að vera benda á hvern annan heldur bara segja, „Fyrirgefðu, við reddum þessu.“ og helst bæta við „Á ég ekki að gefa þér afslátt?“
Ég var ekki beðinn afsökunnar á mistökunum og mér var ekki heldur boðinn afsláttur. Spurning hvort Harðviðarval geri tilraun til að rukka mig fyrir aksturinn. Þá fer ég og öskra. Ef ég hefði vitað að þeir væru óhæfir um jafn einfaldan hlut og að senda nokkra lista örfáa kílómetra þá hefði ég pantað bíl fyrir þetta sjálfur.
Ég á aldrei eftir að fara í Harðviðarval aftur (nema ef þeir klúðra einhverju í viðbót) og vona að sem fæstir geri það.
Vona að þetta sé nægilega leitarvélavæn færsla og mig grunar að hún sé.