Gneistinn

Í dag er síðasti sunnudagurinn sem ég vinn.  Fyrir utan daginn í dag á ég eftir að vinna í 5 daga.  Ahhh….  Fer reyndar í aðra vinnu strax í maí en mér finnst slík vinna auðveldari, 9-5.  Hlakka til að koma reglu á þetta.  Frí um helgar og á kvöldin…. ahh.

Svo ég haldi áfram frá gærdeginum þá fórum við til Rósu að horfa á Idol (fyrsta síðan að Telma datt út).  Mér fannst hún Ína vera augljóslega best og ég fatta ekki hvað dómarnir voru að tala um þegar þer héldu fram að hún myndi detta út.  Hin voru ófrumleg og óspennandi.

Annars þá hittum við Lindu dóttur Skarphéðins sem var að koma frá Danmörku, ég þurfti reyndar að útskýra fyrir henni hvers vegna ég vissi hver hún væri.

Vantrú er komin aftur í loftið.  Sumir féllu fyrir þessu en aðrir sáu í gegnum þetta.  Við Matti settum báðir inn færslur eftir miðnætti en merktum þær 31. mars (gabb semsagt).

Þetta er hins vegar ekki fyrsta apríl gabb, hún Silja er bara svo hrekkjótt að tilkynna opinberlega þetta á þessum degi.