Leiðrétting á staðhæfingu Bibba á blogginu sínu: David Cobain var ekki pabbi Kurt Cobain og var svo sannarlega ekki heldur í Pink Floyd.
Day: 29. júní, 2003
Smásögukeppni
Hefur í huga minn upp komið hugmynd um það hvernig blogg þetta geti sem skemmtilegast orðið. Í tilefni af Bókmenntasumri (eða svo hefi ég titlað sumar þetta) hef ég ákveðið að koma hér upp keppni í þeirri viðkvæmu listgrein sem smásagnagerð getur verið. Sögum ber að skila fyrir þann 20.júlí og hvet ég alla (skuli einhver taka þátt) til að vanda sig sem mest við smásögu sína. Smásögur skulu berast í tölvutæku formi, á diskettu ellegar tölvupósti. Að sjálfsögðu skal vera titill á sögunni og nafn höfundar.
Reglur
Engin skáldaleyfi skulu gefin hvað varðar stafsetningu en einkum og sér í lagi málfræði. Rétt málfar skal aðhyllst. Orðabók Marðar Árnasonar má nota undir vissum kringumstæðum. Ekki má nota „séríslenskuð orð“ svo sem fokk og sjitt nema í talmáli persóna sögunnar. Ég, sem dómari keppninnar, áskil mér fyllsta rétt til að dæma eftir eigin geðþótta og gagnrýna málfar og/eða stafsetningarvillur.
Hjálpargögn sem mælt er með
Handbók um ritun og frágang og Íslensk Málfræði eftir Björn Guðfinnsson.
Hjálpargögn sem engan veginn er mælt með
Orðabók Marðar Árnasonar.
Verðlaun
Verðlaun verða kynnt síðar en þó er líklegast miðað við eðli keppninnar að þau verði á bókarformi.
1984
Keppnin um hver hlýtur þau verðlaunin heldur áfram þrátt fyrir tilvist hinnar keppninnar.
MIKILVÆGT!
Hverjum sem væri er velkomið að taka þátt en mælst er til þess að allir sem vilja taka þátt skuli láta vita af sér í síma 698-2359 eða með tölvupósti á arngrimurv@hotmail.com. Þannig má fresta skiladagssetningu sagnanna ef ske kynni að einhver næði ekki að skila á settum tíma.
111533194080794532
111533190756924708
Skyldulesning fyrir hvern mann Íslenskan
Lovestar eftir Andra Snæ Magnason
Bréf til Láru eftir Þórberg Þórðarson
Englar Alheimsins eftir Einar Má Guðmundsson
Á svo eftir að kynna mér Kiljan betur
Skyldulesning fyrir hvern mann Íslenskan sem og útlenskan
Hringadróttinssaga eftir J.R.R. Tolkien
Öll helstu verk Edgar Allan Poe
Öll helstu verk H.P. Lovecraft
Hvað sem er eftir Hunter S. Thompson
The Catcher in the Rye eftir J.D. Salinger
Fólk sem efast um orð mín getur kommentað. HAH! Kommentakerfið er bilað! MÚHAHAHAHAHAHAAAAA!!!!
Kommentakerfið
Ólíkt flestum bloggurum á ég í engum vandkvæðum með íslensku stafina heldur kommentakerfið mitt. Hversu lengi á þetta blessaða k.k. mitt að vera „Closed for Maintenance“? Þessi þjónusta gengur alveg fram af manni!
Hmm, Bibbi alltaf í Absynthinu.
Annars þá hef ég verið að minnka drykkju mína talsvert án þess þó einu sinni að reyna það. Skortur á fjármunum gerir manni slíkt. Alltaf á ég þó byrgðir af sígarettum.