108948554223481495

Í vinnunni í dag var mér sýnt meira traust en áður hefur tíðkast, þegar mér var afhentur lykillinn að varaforða verslunarinnar meðan yfirmaður minn þurfti að skjótast frá. Ég ætla mér þó ekki að fullyrða neitt um meiningu þess, líkt og vinnufélagi minn gerði, þegar hann spurði hvort það ætti að gera mig að yfirmanni. Það verður gert ef það á að gera. Ég er fyrir lifandi löngu hættur að velta mér upp úr stöðuhækkanafallandaforaðinu.
Annars er ég að verða hinn argasti kvíðasjúklingur; þarf varla spennu né lítilfjörleg samskipti við annað fólk til að fá hjartaflökt, og skilgreining mín á spennu er sjálfsagt sú sama og skilgreining ykkar á leiðindum. Svo finnst mér að Ikea ætti að taka upp motherfokkeraafslátt, þ.e. afslátt handa öllum sem eru stærri en ég og þykja líklegir til að buffa mig þegar þeir sjá hvað vörurnar þeirra kosta mikið. Það ætti að setja lög gegn því að vera breiðari en strætisvagn, í alvöru talað.

108945282473159294

Það er varla hægt að þverfóta sig fyrir msn-samtölum á bloggsíðum, en þetta setur steininn alveg úr. Því set ég það hérmeð sem reglu, að séu msn-samtöl yðvar eigi fyndnari en það sem hér ég á tengi, getið þið allt eins sleppt því. Klímags (e. climax) msn-samræðnanna hefur verið náð og allt sem þið gerið á msn héðan af verður lélegt í samanburði.

Ef einhver er mér ósammála (ha, The fool!) má senda mér skondnar msn-samræður á tölvupósti. Ég tek því þannig, að fái ég eigi betri samræður en þær sem ég tengi á, sé almennt samþykki fyrir því að klímagsinum sé náð.