110055821525686790

Ég tók aðeins til í tenglalistanum. Ef einhver þykist beittur ranglæti má láta mig vita í þartilgerðu kerfi athugasemda. Ég bendi lesendum þó á að aðgæta latnesku tenglana, áður en kvartað er. Það er aldrei að vita nema tengillinn leynist þar.

Þetta hefur verið dagur mikillar bloggtíðni. Enda hef ég setið nær allan daginn fyrir framan tölvuna og þóst stunda mikilvægar rannsóknir fyrir pönkuðustu málfræðiritgerð allra tíma. Eða þannig.

110054841073172319

Ég vona að afsögnin sé tilkomin vegna samvisku. Powell er betri en svo að þurfa að éta upp klisjurnar hans Bush.

Þetta finnst mér ógnvænlegt. Þetta ofsóknarbrjálæði gæti verið vísir að enn stærra máli.

Stjörnuspáin:
SPORÐDREKI 23. október – 21. nóvember
Þú skellir skollaeyrum við hverjum þeim er reynir að draga úr þér kjark og standa í vegi fyrir þér í dag. Þú ert til í að taka áhættu og finnur til dirfsku og ævintýrarþrár í dag.

Mér fannst ég allavega finna fyrir mikilli dirfsku og ævintýraþrá þegar ég lagði mig fyrr í dag.

110053237053337061

Sá sem heldur úti þessu bloggi er snarklikkaður! Þetta er myndasaga og græni karlinn er allegoría á hann sjálfan … held ég.

Old Dirty Bastard, hver lézt sl. laugardag, átti þrettán börn. Það kom mér ekki á óvart. Ekki spyrja hvers vegna.

Fréttablaðið tekur ummælum Pauls McCartney sem hrósi, þegar hann sagði að einhver íslenzk hljómsveit gæti endurgert lag hans „Let’s do it in the Road“, sem „Let’s do it in the Fjord“. Ef þetta er ekki augljóst diss þá veit ég ekki hvað.

Hlutir sem mér finnst merkilegir

Mér finnst merkilegt að Indland og Kína eigi kjarnorkuvopn en engan klósettpappír. Þetta er það sem ég kýs að kalla gagnsæja utanríkisstefnu – þegar innanríkisstefnan sést best á utanríkisstefnunni. Þá má athuga Bandaríkin, en þeir hafa hækkað hernaðarútgjöld um 300 milljarða dollara, en þó hefur efnahagurinn ekki staðið jafn illa síðan í kreppunni. Megi þeir útskýra þá tilfærslu af sömu kostgæfni og þeir útskýrðu innrásina í Írak.

110052710145925901

Já, maður!

Þetta er ekki satt. Meirihluti þjóðar er alltaf hærra en 50%. Rétt skal vera rétt.

Og nú fáum við Skúli að sjá hvor hefur rétt fyrir sér, en félagi Patronus heldur því fram að upp komi svipuð staða og á bannárunum í Bandaríkjunum. Ég get ekki tekið undir það og nú verður spennandi að fylgjast með tóbaksbanni Bhútan. Bhútan verður fordæmið til að fara eða fara ekki eftir.