Komið er á markaðinn Latabæjarvítamín. Er það til marks um markaðssetningarsnilldina eða siðblindu stórfyrirtækisins? Jafnvel hvort tveggja. Bráðum verða þeir farnir að segja börnunum hvernig þau eiga að klæðast, hvernig þau eiga að tala og hvaða stjórnmálaflokk þau eiga að kjósa. Börn sem eiga foreldra sem ekki eru styðjandi Latabæjarheimsveldið verða beðin að tilkynna um það á næstu Lýðuppfræðslustöð Latabæjar, svo þeim megi tortíma, og hægt verði að fá börnunum hæfandi foreldra í stað hinna gömlu. Mynd af íþróttaálfinum yfir hverju arinopi, hverju eldhúsborði, hverju rúmi og brjóstmynd í hverri borðstofu. Sannið þið til. Sjálfsagt verð ég drepinn fyrir að skrifa þetta, svo voldugt er veldi þeirra þegar orðið.
Day: 20. nóvember, 2005
Kaffihús Íslands
Það er Babalú, Skólavörðustíg 22.
Verkefni lífs míns
Helsta verkefni eftir BA-gráðu: Flytjast búferlum til Ítalíu, vera þar eins lengi og bankinn leyfir.
Helsta verkefni eftir að ég kemst á eftirlaun: Flytjast búferlum til Ítalíu, varanlega.
Helstu verkefni þarna á milli: Klára mastersgráðu, klára doktorsgráðu, skrifa margar bækur, dveljast eins mikið á Ítalíu og unnt er.