Lýðræðið grafið

Ég ætla ekki að hafa sérstaklega mörg orð um þessa síðu, bara benda á hana.

Ég vil aðeins segja tvennt.

1. Aðeins forsætisráðherra hefur heimild til að rjúfa þing. Þjóðin hefur það vald raunar líka, en til þess þarf að stíga útfyrir ramma laganna. Þeir sem trúa á lýðræðið setja það raunar ekki fyrir sig.

2. Mér hefur oft þótt ástæða til að krefja stjórnvöld skýringa, og jafnvel bola þeim burt fáist engar skýringar eða séu þær óásættanlegar. Fyrir utan linkind þjóðarinnar í garð stjórnvalda eru allar þær forsendur sem ég hef áður fundið þeirri skoðun minni, í fyrri eða seinni tíð, léttvægar orðnar miðað við lygar stjórnvalda nú, svo ekki sé minnst á þögn þeirra þegar þau vita ekki hverju skal ljúga næst.

Svo ég bendi á þessa síðu. Spurningin er ekki hvort hún verði hunsuð, aðeins hversu lengi verður hægt að hunsa hana, eða þá kröfu að stjórnvöld starfi með hagsmuni þjóðarinnar að leiðarljósi, í umboði hennar, og séu þar af leiðandi skuldbundnir þjóðinni um sannleikann hvar og hvenær sem hann liggur fyrir hvað sem kröfum alþjóðlegra risastofnana líður.

Að öðrum kosti er lýðræðið grafið. Ef það var það ekki fyrir löngu.

4 thoughts on "Lýðræðið grafið"

  1. Avatar Auðun skrifar:

    Sæll Takk fyrir síðast sorrý að ég skyldi ekki tala mikið við þig. Við erum bara í einu almennlegu samandi . Vel á mynnst. Til hamingju með afmælið þótt þú eyðir honum bara í vinnunni enn hafðu það gott fyst og fremst.

  2. Avatar Hjördís Alda skrifar:

    Til hamingju með afmælisdaginn Arngrímur, njóttu hans vel 🙂

  3. Til hamingju með afmælið um daginn.

Skildu eftir svar

Netfang þitt verður ekki birt. Nauðsynlegir reitir eru merktir *