Uppgötvanir ríkissaksóknara

Ríkissaksóknari hefur komist að því að bandaríska hernum er ekki treystandi og að bandaríski herinn lýgur. Hvers vegna hann vissi það ekki fyrir er spurningin sem ætti að spyrja.

Hvaða helvítis bull var það annars að senda manninn á herstöðina? Var hringt í ríkissaksóknara á föstudagsfyllerí og hann spurður um þetta? Þetta er ótrúleg vitleysa.

Ég er almennt vantrúaður á að hermaðurinn muni snúa aftur í lögsagnarumdæmi Íslands miðað við að herlögreglan las honum réttindi sín þegar hann var afhentur. Ég myndi telja að það bendi til þess að þeir hafi ætlað að yfirheyra hann og sækja þar með til saka sjálfir. Reyndar gæti verið hugsanlegt að þeir hafi ætlað að yfirheyra hann um þá sem voru meðsekir og hann verði sendur til baka á meðan hinir verða dregnir fyrir herrétt.

Halldór lofaði fallega að hermaðurinn hlyti harðari dóm fyrir herrétti (það að fá sem harðasta refsingu er nú vitaskuld tilgangur allra dómsmála) en miðað við það finnst mér hermaðurinn hafa verið svoltið heimskur að berjast fyrir því að vera framseldur. Spurning um að láta Halldór semja við herinn um að náunginn verði dæmdur sekur og í kjölfarið tekinn af líf til að svala hefndarþorsta okkar Íslendinga.