Fyrsta prófið í dag. Mjög undarlegt að þurfa bara að skrifa eitt svar og skrýtið að þurfa að setja þetta upp í ritgerðarform. Ég þurfti að velja milli strúktúralisma og hefðar, ég valdi hefð. Ef ég vildi skrifa um isma þá hefði ég farið í bókmenntafræði. Við vorum þrjú sem völdum hefðina og mér skilst að við höfum skrifað mjög ólíkar ritgerðir sem er væntanlega ágætt. En hefðin hentaði mér vel.
Ég skrapp síðan í Bóksöluna, hitti Ásgeir og keypti mér Robert Johnson bókina. Ég fór síðan aftur í Odda og spjallaði við fólkið eftir prófið. Samnemendurnir mínir voru misglaðir en kaffistofan bauð upp á súkkulaði sem hjálpaði til.
Á morgun er síðan munnlegt próf og þá er erfiðasta kúrs fyrr (og síðar vonandi) lokið.
Ég kvaddi líka Marie áðan. Hún ætlar sér að koma aftur í sumar og ég er víst velkominn ud på landet.
Ég fór síðan á Bókhlöðuna, skilaði bókum og spjallaði við fólk. Óskar hress að vanda. Ég fann síðan eina bók í hillu sem ég hafði víst tekið í kringum BA-verkefnið án þess að skila formlega. Þá er ég með nokkuð hreinan skjöld á Hlöðunni.
Fjögur próf eftir.